[ad_1]
بوست بلسان حال ( ناس لا للحرب )
_________
😂 هسّه أنا عليكم الله كان بقيت فعلاً زول ( كعب ) و ما بفكِّر إلا في ( مصلحتي ) ..
◼️ شنو البخلِّيني أدخل السجن في ( تسقط بس ) و ( لا للحرب ) وغيري بيدخل السجن ( بقناديل بنقو ) و ( باختلاس مليارات الجنيهات ) ؟
◼️ يعني أنا طيرة وفطقة وعوير وأهبل للدرجة دي ؟😂
◼️ المجرمين يجيبوهم ( ناس النظام العام ) و ( الأمن الإقتصادي ) وأنا يجيبني ( الأمن السياسي ) ؟😂
_____
😂 لو فعلاً أنا زول ( أناني ) و لا عندي شغلة ( بالناس والبلد ) كان بقيت أكبر زول ( صعلوك ) و ( قليل أدب )
◼️ و كان بقيت قاعد في السودان وعايش كبلبوسي كبير .. ومستمتع ( بصعلكتي ) و ( قلة أدبي ) دي بمزاااج .
◼️ كان تلقاني بلساني الطويل ده في أي مكان بكورك يا مراييع الدنيا :
_ هلمِّوا للإستنفار ..
_ إنها معركة الكرامة ..
_ إنها معركة الحق الشخصي ..
_ إنها معركة وجودية ..
_ الدول تتربّص بنا ..
ياعباد الله ‘:
_ العالم يستهدفنا في ديننا .
_ الجنة تناديكم ..
_ لماذا تشغلون أنفسكم بتفاهة الدنيا ودقيقها وغازها وسكرها وخبزها وويكتها وكولها ولبنها وملوحتها وأم فتفتها ؟
_ لماذا تشغلون أنفسكم بمال الدنيا ونسوانها وغلمانها و ودهبها ؟
_ هناك الحور العين ..
_ والخزائن المفتوحة ..
_ ويمكن للفرد الشهيد منكم أن يدخل أسرته وجيرانه وأصدقائة إلى الجنة .
_ لماذا تدعون هذه الفرصة تفوتكم ؟
◼️ وفي سري بكون شغال :
يا مغفلين انتوا مكانكم ( الإستحمار و الإستنفار ) ونحنا ( مكانا الإستغفار و الإستثمار )
وتاني أرجع أكورك :
_ الله اكبُرُ الله أكبرُ .
_ تهليل ..
_ تكبير ..
جيشٌ واحد شعبُ واحد …
_ كان
مليت ليك البلد كلها ( بالدجل و الطلس والكذب والزيف والنفاق ) ..
_ وبالنهار ( مؤمن شديد ) وبالليل ( ملك قلة الأدب ) .
_____
◼️ وكان
أقيف كده في الإرتكاز والبت السمحة الكان حنكتها قبل كده وطنشتني أنزِّلها ليك ..وابدأ اتجدّع ليك فيها :
_ اسمك ..
_ جنسك ..
_ قبيلتك ..
_ دينك ..
_ جدك ..
_ حبوبتك ..
_ أخوانك ..
_ أخواتك ..
_ خالاتك ..
_ عماتك ..
_ خيلانك ..
_ أعمّامك ..
_ جيرانك ..
عمرك كم ؟
_ أول زول حبّاك منو ؟
_ رفضتي لكم زول غيري ؟
_ لونك المفضل ..
_ مشروبك المفضل ..
_ بطاقتك ..
_ عيونك ..
_ طرحتك ..
_ و ….
_ و ….
_ و ……
_ بتعايني لي كده ليه ؟
_ ماعاجبك كلامي ؟
_ أها موضوعنا داك عملتي فيهو شنو ؟
_ يعني مصرّه ؟
_ ارفعها وديها المعتقل .
◼️ وأجيها ليك كل مرة نص الليل ..
_ وأقيف ليك في باب الزنزانة
_ أها موضوعنا عملتي فيهو شنو ؟
_ أحسن ليك هو والَّا تقعدي هنا ؟
_ أنا قليل أدب ؟
_ أفتح ليها مادة متعاونة وقناصة وحبيبة الدعامة كلهم يا قحاتية ..
◼️ ويجي النهار و أبدأ اتجدّع ليك في أسرتها :
_ ( بتّكم ) دي موضوعها صعب ..
_ مشى بعيد ..
_ ما بتحصّل تاني ..
_ مرق من يدي ..
_ حاولت أساعدها كتير وفشلت ..
_ لكن لو دفعتوا ممكن أجازف ليكم مع الضابط المسؤول ..
◼️ وكل مرّة أجيها ليك اها وصلنا وين ؟
_ موافقة ؟
_ يا سلام ياخ ..
_ أيوه كده
_ ده كلام العقل ..
_ آي سيبك من كلام القحاتة ده ..
_ ده كلام صاح ..
_ ياتقية ..
_ يا عفيفة ..
_ يا طاهرة ..
_ يا ما قحاتية ..
_ ما كان في داعي لركوب الرأس من البداية ..
_ الحركات دي ماعلينا ..
_ كان تكوني عارفه البلد دي بلدنا …
_ ونعمل فيها الدايرنوا …
◼️ ولو مصرّة على موقفها الرافض :
_ رافضة يعني ؟
_ خلاص انتظري هنا ليوم المحكمة ..
_ يا قحاتية .
_ وهاك يا كم سنة سجن ..
_ ده كلو عشان حنك فاشل ..
____
◼️ وكمان
كان بدل المجازفات في البنقو والعرقي ..
_ وقبضوك ورفعوك ..
_ كان دخلت الإستنفار ..
_ شلت السلاح وركبت اللاندي ..
_ ماشين الحدود وجايين من الحدود ..
_ ماشين الخلاء وجايين من الخلاء ..
ماشين السوق وراجعين من التجّار …
_ نمر بعرقينا وبنقونا فوق الإرتكازات ڤووووو ڤووووو
لازول يوقِّفنا ولا زول يلمسنا ..
___
◼️ وكمان
_ أي زول زهجان منو ..
_ أي زول متضايق منو ..
_ أي زول حاقد عليهو أوغيران منو ..
_ طوالي أقبضو ..
_ أمسك متعاون ..
_ كبير صغير .. مرأة راجل ..
_ أمسك من طرف وأفش وجعتي ..
____
◼️ وكمان
بدل الفلس والغربة دي كان الواحد هسه يكون راكب عربية ويخوجل في البلد ..
_ يتاجر في أي شي ..
_ ويتكلّم في أي شي ..
_ ويعمل أي شي ..
_ عاد ماجيش البلمسني منو كمان ؟
___
◼️ وكمان
الواحد بعد نهاية اليوم البلبوسي الطويل ده يجي يقضِّي سهراتو مع القونات والحلوات …
ونقضِّي الليل كلو :
_ وراء وراء ..
_ والماعندها شنو كده ما عارف ..
_ وفك العرش ..
_ وإيييك يا مسخرة ..
_______
🛑 عليك النبي كان مالنا ومال :
_ شغلة الداخلية الزمان ديك أرسلوا لنا ( تمراً وسكراً وقرقوشاً ) ..
_ مالنا ومال التفكير المتواصل في حال الناس ..
و ( البوستات وااللايفات ) ؟
_ كان بعد لقينا الأمان الهنا ده نشوف مواضيع ( المساكنة ) و ( البارات )
____
🛑 الواحد يقول ليك بمنتهى البساطة يا ( صعاليك ) 😂
_ هي الصعلقة دي دايرة ليها ( لجوء ) ..؟😂
_ دايرة ليها هجرة قسرية ؟ 😂
_ الصعلقة دي عارفنها من ( زمنا الفي أولى جامعة ) بتجيب الملفات .. 😂
_ والملفات بتكسر الرجال والنسوان وتخلِّيهم يكونوا أدوات للشر والباطل ولإساءة أولاد وبنات الناس ..
🛑 أها فهمتوا والّا اعيد ليكم ؟!!
( قالوا : كترة التكرار ، تعلِّم الحمار )
#المرياع_ماينوم
#لإقتلاع
#إرادة_الحركة_الجماهيرية_هي_الحل🇸🇩✌🏻
[ad_2]
Source
