[ad_1]
هو ابتزاز الدولة دا شنو اصلا .. بالمناسبة
دي النغمة الجديدة بتاعت الايام دي ولا شنو
عموما هو اغلبية الناس البرددو الفارغة صعب نخش معاهم في نقاش حقيقي .. لانهم في الحقيقة بقدمو الحجج الزي دي ما عشان مقتنعين بيها .. وانما لانها بتحقق ليهم مصالحهم الطبقية والعرقية قبل اي شي
ولانو صعب تقنع زول بي انه مستهبل او منافق او بينطلق من محاولة الحفاظ على قسمة الثروة والسلطة الحالية لانها
جاية معاه شركة وهو في الجانب المستفيد منه
الحكاية صعبة بالنسية للزول العادي البني ادم
فما بالك باكائنات الايقو المتضخم و المسعور ديل
عشان كدا خليك من الطبقة ولا العرق ولا الجن الاحمر
الابتزاز الوحيد البتتعرض ليه الدول الفقيرة وحتى متوسطة الثروة … هو ابتزاز سكان المدن
اسمو الايربان بايس urban bias
ودا واحد من اهم اسباب التهميش التنموي لاطراف البلاد .. وهو واحد من اشكال التهميش ضمن اخريات
شرحو ببساطة انو الحكومات بتقدم رشاوي للمدينة وسكان المدينة في شكل تنمية بنية تحتية بتاع هناي .. عشان يضمنو ولاء سكان المدن ديل وما يطلعو ضدهم
لانو في الحقيقة الحكومة ما بيسقطها ضربة مطار الفاشر .. انما اعتصام القيادة العامة
لما هسي تلقى في خطاب بيحاول يقلب الحقيقة تماما في اتهام الاصوات السياسية من الهامش والهامش المركب انهم (بيبتزو الدولة) … فهل من الممكن انو تعتبر دا مجرد خطأ بحسن نية؟
غير انهم هم اصحاب الامتياز اللي عايشين افضل رفاهية متاحة في البلد بسبب ابتزازهم للدولة منذ الازل
فهم في الحقيقة هسي بيمارسو في ابتزاز تجاه اي صوت بيعترض على مظلمة او يطالب بي حق او اي شي هم ما موافقين عليه وضامنين انهم في قيادته بدون منازع
والصورة على سبيل …
اعوذ بالله من الخبث والخبائث
[ad_2]
Source
