#الجير_لا
يا جماعة والله انا بعمل جغرافيا كويسة للحاجات . يعني ما بخلط العدس مع المرس . وخاصة للصحفيين والاعلاميين . بخصهم بمودة خاصة بس كمان لمن القاك في تقسيمة جنب راية الكورنر والجير مكوم كراعي باتكلني وبقشك . القصة دي في البيت بعملا .مع اخواني . مرة عندي شقيق بتاع درامات ود صغير ونفسه عجاباه وبتاع دوريات اوربية . جيت خاشي لقيتو حالق حلاقة غريبة . راسه بقى زي فسية الجدادة وبالاطراف صلعة كررر . قبل السلام قلت ليه دا شنو يا زول .واصلا لقيت في شكلة قبالي بسبب القصة مع ناس البيت . طوالي جريت كرسي قعدت قلت ليه يا مولانا قدامك تلاتة خيارات . تمش تجيب موس ازينك صلعة . او ترجع لزول الحلقك يعمل ليك اعادة انتشار وسيطرة او دا مافي بسوقك (الكبسولة) يربطوك للصباح ويحلقوك هم بطريقتهم . هسي انا جلست بقيت بسوق الكبسولة طوالي . والقصة دي عاملة لي مشاكل مع الصحفيين تحديدا . الليلة ضرب لي زميل _ وفاتح الاسبيكر _ قال لي معاي فلان زميلك سلم عليه . قبال غرد صحبي قال ما بتكلم مع نوار ..ردمني المعفن دا يومتا 🤣 وبكدا اضيف زول جديد لزولنا المنشد وقبله فرفور . انا شكلي حاوقف القش لشهر كدا . بالطريقة دي لو مت ماف زول بجي بخت في كشفي 😃
يا جماعة روقو المنقة وزحو لي من الجير . الله يرضى عليكم . الجير لا الجير لا. هسي شايف عبد الماجد عبد الحميد بقى يلعب في السنتر .خلى طرف السلك نهائي 😀
Source
#الجير_لا يا جماعة والله انا بعمل جغرافيا كويسة للحاجات . يعني ما بخلط العدس مع …
Leave a Comment
