في حوار على منصة الأستاذ #أنس_وردي بالتيكتوك
بين #الشريف_الحامدابي وأحمد كسلا
كسلا قال تاني شمالي بيحكم السودان ماف!!
نوع الخطاب دة بيتكرر كتير على بعض المنصات الداعمة للدعم السريع أو “تأسيس” ودة خطاب كراهية موازي للخطاب العنصري بتاع ناس عمسيب والنهريين وما بيقل تعاسة منو..
احنا كسودانيين فشلنا في إدارة التنوع الثقافي في دولتنا و ما عالجنا الإختلالات المُجتمعية الورثناها من المُستعمر دي حقيقة ما فيها جدال..
لكن كمان تحميل الفشل دة للمجتمعات والمُكونات ح يخلينا لافين في دوامة لا نهائية من الحروب ..
الصحيح اننا نعترف بأخطاء الماضي ونعالجها ببناء مشروع وطني يحترم تعددنا وتنوعنا ، مشروع فيهو المواطنة هي أساس الحقوق والواجبات ، لا دينك لا جهتك لا لونك ما بيدوك أفضلية على أي سوداني تاني..
اذا قدرنا نصل للمشروع دة تاني مسألة منو يحكم دي بتبقى قضية ما ذات أهمية لأنو بعض النظر عن منو الحاكم ما حيقدر يطلع من الخط الوطني الإتراضو عليهو السودانيين.
#كل_أجزاءه_لنا_وطن
#شبكة_رصد_السودان
