[ad_1]
بلسان حال ناس ( لا للحرب )
🛑 العلف الفاخر
◼️ في علف فاخر تالف موزّع على المراييع من عينة _ ( القوني دافع ليك ) ؟
_ ( المرتب نزل ) ؟
_ ( ناس بن زائد دافعين ليكم ) .
◼️ المرياع بكون شايل العلف ده ، وطبعاً كالعادة ماعندو عقل بخلِّيهو يفكّر فيهو .. ويسأل نفسو الأسئلة دي :
◼️ طيِّب الزول بيدفع قروش لزول عشان شنو ؟
_ الإجابة الطبيعية والعادية والمنطقية :
◼️ عشان يقدّم ليهو خدمة ..
◼️ طيِّب شنو الخدمة النحنا مقدمنّها ( للدعامة ) ونحنا واقفين ضد ( الحرب ) ؟
◼️ شنو الخدمة النحنا مقدمنها ليهم ونحنا موجودين في ( صمود ) وما مشينا مع الناس الجوهم في ( تأسيس ) ؟
◼️ شنو الخدمة النحنا مقدمنّها ليهم ونحنا بنقول ( الطرفين مافيهم طرف حريص على مصلحة الوطن والمواطن ) ؟
◼️ ونحنا بنقول : الطرفين مساهمين في ( الموت والإنتهاكات والدمار والخراب والنزوح واللجوء والتشريد والتحويع )
◼️وبنقول : الطرفين ارتكبوا ( جرائم حرب تجاه المدنيين ) ولازم ينحاسبوا ..
◼️ وبنقول : الدعمم السريع قوات غير رسمية و موازية للقوات الرسمية للدولة ويجب دمجها مثلها ومثل الحركات المسلحة عشان نصل لجيش واحد وطني وقومي ومهني ..
◼️ وبنقول : الحكومتين ( أمل وتأسيس ) ما شرعيتين ..
والشرعية الحقيقية في : وقف وإنهاء الحرب ، واستعادة مسار الإنتقال الديمقراطي ، واستكمال مهام الثورة .
◼️ أها يدفعوا لينا كيف عشان نقول كده ؟
◼️ في زول بيدفع لزول قروش عشان يقدّم ليهو حاجة ضدو ؟
◼️ يعني عشان بنقول : لا للحرب والثورة .. والحكم والمدني .. والفيدرالية .. وعافية الوطن في مكافحة الكيزان ، والجيش تحت سيطرة الكيزان ، وبعيد من مهامه وواجباته كده معناها بنخدم في الدعامة ؟!!
◼️ كده الدعامة جايين علينا في خطابنا والا نحنا مشينا ليهم ؟
◼️كده مفترض منو يكون دافع لمنو ؟
______
◼️ أما حكاية ( الأمارات ) دي بسيطة اعتبرووها زي حكاية ( الجماعة البيعملوا إعلانات ) ..
_ الزول بجيب زول تاني بعمل ليهو إعلان ويديهو قروش ..
_ يعني خدمة بمقابل
_ طيِّب شنو الخدمة النحنا مقدمنها للأمارات عشان تدّينا قصادها مقابل ؟
◼️ هسه لو قلتوا ناس الثورة دافعين ليكم منطقية ..
◼️ صمود : دافعة ليكم منطقية ..
◼️ عشان الواحد 24 ساعة بتكلّم عن الثورة وأجسامها وصمود وقادتها ..
◼️ و24 ساعة مركّز مع الكيزان كأُس وأساس للبلاوي في السودان ..
_____
◼️ لكن تدفع لي جهة ( أنا ما بخدم خطها وخطابها ) دي ( عواره وهباله منكم ساي ) ..
____
◼️ المرياع لو بتابع نشاطنا الكثيف والمستمر في ( البوستات ) و ( اللايفات ) كان قدر يعرف ويفهم العلف الشايلو ده ما مسنود بدليل ولا إثبات ولا برهان و لا بحجّة ومنطق ..
◼️ المرياع فاهم ومستوعب هو موجود ( داخل غرف إعلامية ) بتم تمويلها ( بآلاف الدولارات ) و ( بآلاف الحسابات المزيفة والأسماء المستعارة )
◼️ وأي طرف مشارك في الحرب دي عندو غرف إعلامية بمولها ..
◼️ إلا نحنا الموجودين في ( معسكر السلام ) شغالين ( بجهد ذاتي ) ..
◼️ وما اتخلق ( اليشغلنا ) و الَّا اليقول لينا ( تعملوا شنو وتخلُّوا شنو ) ..
◼️ والعندو عندنا حاجة يجي يشيلها طوالي .
◼️لو في زول قال ليكم مشغلنا :
قولوا ليهو الشريف قال ليك : طز فيك وفي شغلتك وفي قطيعك ..
#المرياع_ماينوم
#لإقتلاع
#إرادة_الحركة_الجماهيرية_هي_الحل🇸🇩✌🏻
[ad_2]
Source
