[ad_1]
🛑 ما شفت الجنجويدي القتل البرتاوي ؟
◼️ شفتو ..
◼️ وفي الحرب دي شفت انتهاكات كتيرة ومشاهد زي دي من جميع الأطراف البتتحارب .
◼️ ما شفت طرف فيهم حريص على مواطن .
◼️ وكلهم تربية كيزان في التعامل مع المواطن .
◼️ وعشان الإنتهاكات دي ومعاها الدمار والخراب والنزوح واللجوء والتشريد والتجويع :
أنا وغيري بنقول الحرب دي كعبة ، ومافيها خير للوطن والمواطن ولازم تقيف
🛑 انت بعد الإنتهاكات البتشوف فيها دي داير الحرب تستمر ليه ؟
◼️ ولما إنت عندك إحساس وشعور بخلِّيك ترفض الإنتهاكات الكعبة دي ليه ما بترفض الحرب الجابت الإنتهاكات ؟
◼️ كيف انت داير الحرب تستمر وفي نفس الوقت ماعاوز إنتهاكات ؟
🛑 هي حربكم دي لو مافيها إنتهاكات ، ومافيها ضرر للوطن والمواطن ، ولو كنتوا ملتزمين فيها بحماية المدنيين نحنا نقيف ضدها ليه ؟
◼️ انتوا مفتكرين لما نحنا نقيف ضد الحرب ونقول ; لا للحرب معناها حريصين عليكم كمتحاربين ؟
لالا ومليون لا
◼️ نحنا حزيصين على إنو السودانيين ديل ما يحلوا خلافاتهم بالعنف زيكم كده ..
◼️ نحنا حريصين على الوطن والمواطن .
🛑 وانتوا لو حريصين زيّنا على حل الخلافات بالوساپثئل السلمية ، و لو حريصين على الوطن والمواطن كيف بختاروا العنف وسيلة و كيف بترضوا للوطن : الدمار والخراب ؟
🛑 وكيف بترضوا للمواطن الموت والإنتهاكات والنزوح واللجوء والتشريد والتجويع ؟
🛑 وكيف يكون في نظركم العاوز الموت يقيف والإنتهاكات تقيف والنزوح يقيف واللجوء يقيف والتشريد يقيف والتجويع يقيف عميل وخائن ؟
◼️ أي زول فيكم طالما داير الحرب معناها مبسوط من أي حاجة بتحصّل في الحرب ..
◼️ وطالما داير الحرب تستمر معناها داير آثار وأضرار الحرب تستمر .
🛑 كونكم ترفضوا الإنتهاكات وتقبلوا الحرب صدقوني ( مراييع ) ذاته شوية عليكم .
#المرياع_ماينوم
#لإقتلاع
#إرادة_الحركة_الجماهيرية_هي_الحل🇸🇩✌🏻
[ad_2]
Source
