[ad_1]
🛑 الخلية الأمنية بالخرطوم ( الصحافة ) تقوم بتصفية الشاب : ميرغني بهاء الدين ميرغني
تفاصيل الحادثة :
◼️ تم إعتقال الشاب : ميرغني بهاء الدين ميرغني
بتهمة التعاون مع الدعمم السريع يوم الخميس الماضي ..
◼️حدثت وفاته يوم الإثنين الماضي ..
◼️ أي بعد اعتقال دام فقط ( 3 أيام ) و توفي في ( اليوم الرابع ) ..
___
◼️ بعد ما اتوفّى في معتقلات الخلية الأمنية بكل قوة عين وبجاحة وبرودة دم حاولوا بسلموا الجثمان لأهلو ..
◼️ كان رد الأسرة بكل وضوح نحنا ما بنستلم ( ولدنا بالطريقة دي ) ما لم يتم ( تشريح الجثة ) ونعرف هو مات كيف .. والقتلو منو ..
____
◼️ الأجاويد الخائفين والمرعوبين مصرِّين يدفنوا ( ميرغني ) بحجّة ( اكرام الميّت دفنه ) ..
◼️ استسلمت الأسرة لإلحاح وإصرار الأهالي وتمّت عملية الدفن في يوم الثلاثاء .
( أي بعد يوم من تسليمه للأسرة )
_____
◼️ أكّد جميع من رأى ( جثة ميرغني ) بأن عليها ( آثار تعذيب ) ..
______
◼️ حكمت الخلية الأمنية الكيزانية على ( ميرغني ) بحكمها الخاص الذي لا يعلو عليه حتى القضاء السوداني في زمن الحرب : بالتعذيب والتجويع والتصفية الجسدية ..
_____
◼️ مع أن لميرغني ( شقيق ) بالقوات المسلحة السودانية ، وكان من المحاصرين داخل القيادة العامة ..
_______
◼️ لما انتشر الخبر في الميديا ، تم تهديد جميع أهالي الصحافة مربع 38 من قبل الخلية الأمنية الكيزانية ، وقالوا ليهم : الموضوع ده مافي زول يتكلّم عنو .. وإذا اتكلّمتوا حا نجيبكم واحد واحد .. ومصيركم كلكم تكونوا زي ( ميرغني ) ..
_____
◼️ قتلة الخلية الأمنية طبعًا مشهورين بعدم إحترامهم حتى لكبار السن ، بدليل في ( مرأة كبيرة في السن ) عندها ( ولدها ) معتقل داخل معتقلات الخلية الأمنية فسجلت ليهو زيارة وطالبتهم بأنها عاوزة تشوفو .. فتم نهرها وإذلالها ومنعها من رؤيته ، قالت لواحد منهم : ( يا ولدي أنا زي أمّك ) .. قاليها : ( أنا ماعندي أم ) ..
◼️ دي عقلية وسلوك و تصرفات أعضاء الخلية الأمنية الكيزانية في الخرطوم ..
______
🛑 الجدير بالذكر : أن خلف إعتقال ( ميرغني ) شخص اسمه : رامي أبوبكر أحمد عبد العزيز الشهير ( بكتكوت ) …
◼️ رامي ده ساكن : الصحافة مربع 38 ..
______
◼️ لما الدعمم السريع دخل الصحافة طوّالي ( رامي ) ده ( اشتغل مع الدّعامة ) .. وشغال شفشفة تقيلة للبيوت ..
◼️ فوق للشفشفة رامي ده كمان ( متعاطي مخدرات ) ..
_____
◼️ رامي ده بعد شبع من ( الشفشفة ) قال بعد كده يسافر ..
◼️ فسافر ولاية نهر النيل ..
◼️ وفي ولاية نهر النيل قلع ( توب الدعمم السريع ) و ( طوالي لبس توب الجيش ) ..
◼️ انضم في نهر النيل للخلية الأمنية الكيزانية ..
◼️ وبقى قاعد في الإرتكازات ..
____
◼️ وشغلو الرئيسي تصفية حسابات مع ناس الخرطوم النازحيبن لولاية نهر النيل أو اللاجئيين لمصر .
◼️ رامي كاتب كشف فيهو كل الناس العندو معاهم تصفية حسابات .. ( بنات وأولاد ) ..
◼️ يخت الأسماء دي في كل الإرتكازات باعتبارها أسماء لمتعاونين مع الدعمم السريع وهو أكبر متعاون ..
◼️ والخلية الأمنية بتتعامل مع المعلومات دي على أساس انها حقيقية ..
______
◼️ رامي بعد شبع من شغل الإرتكازات في ولاية نهر النيل .. قرّر يسافر مصر يروّق شويّة ويتبلبس في الأجواء البعيدة من دائرة الحرب ..
◼️ وهناك في مصر عمل قروبات ( أفضح متعاون ) وبقى ينزّل فيها كل معلومات الناس العارفين حقيقتو ..
◼️ ومن هنا بدأت علاقتو مع ( وليد الجقر ) ..
🛑 وجاييك يا وليد الجقر في حلقة براك وأنا مخصوص فكّيت حظرك ( عشان تتابع ) .
______
◼️ المهم في حلقة رامي دي :
أول من الجيش دخل الخرطوم رامي طوالي قرّر يرجع ويكون مع مجموعة الخلية الأمنية .
◼️ ناس الصحافة كلهم عارفين رامي كان متعاون ..
◼️ ولكن رامي مسنود بفترة عمله في الخلية الأمنية في نهر النيل قبل السفر لمصر بقى دليل الخلية الامنية في الخرطوم وتحديداً داخل الصحافة ..
◼️ وبقى شغال تصفية حسابات مع أي زول عارف حقيقتو ..
◼️ وبقى يهدِّد في الناس كلهم .. ( بنات وأولاد ورجال ونساء )
🛑 مرفق تسجيل تهديد لبت اسمها ( آلاء ) ..
_______
◼️ رامي هو البلّغ في ( ميرغني ) ..
◼️ وهو البيعرف ( منو الإعتقل ميرغني ) ؟
◼️ و ( ميرغني كان معتقل وين ؟ )
◼️ و ( مع منو ؟ )
◼️ و ( الكان بعذّب فيهو منو ؟ )
◼️ و ( الكان بجوّعو منو ؟ )
و ( الكان سبب في موتو منو ) ؟
_______
◼️ رامي ده هو المدخل الحقيقي لمعرفة تفاصيل استشهاد ميرغني .
◼️ والمدخل الحقيقي لتحقيق العدالة ..
◼️ ويتحمّل مسؤولية موت ميرغني مثلما يتحمّلها جميع أفراد الخلية الأمنية ..
______
◼️ ميرغني رحل وترك خلفه طفلة صغيرة مسؤول عن مصيرها المجهول رامي ..
_____
◼️ رامي يجب أن يتم القبض عليه إن كان في السودان قضاء عادل ونزيه ..
_______
🛑 مرفق تسجيل يثبت تورُّط رامي في تصفية حساباته مع أهل الصحافة الموجودين والنازحيين واللاجئيين ..
______
◼️
هو الآن أصبح مكروه ومنبوذ .. والآن يخطِّط للهروب خارج السودان ..
________
◼️ الشهيد ميرغني :
ربنا يتولاه بواسع رحمته .. ويسكنه فسيح جناته مع الصديقين والشهداء ..
◼️ و الحرية لجميع المعتقلين ( ظلماً وجوراً وبهتاناً وتدليساً وكذباً ) في سجون الخلية الأمنية الكيزانية ..
_______
🛑 وجاييك يا ( وليد الجقر ) في الحلقة الجاية … جاييك حتى لوكنت هنااااااااك للآن في ( نادي الأهلي مروي ) …
#المرياع_ماينوم
#لإقتلاع
#إرادة_الحركة_الجماهيرية_هي_الحل🇸🇩✌🏻
[ad_2]
Source
