[ad_1]
في حزب بناء السودان حنعلن الحرب على الفقر والجوع
بالنسبة لينا الفقر والجوع هم أكبر أعداء للشعب السوداني، ولابد نحقق الأمن الغذائي واثقين من إننا بنقدر ننتصر في الحرب دي وعشان كده ضمان وتحقيق الأمن الغذائي السوداني بنسبة 100% كان من أهم أهداف الخطة الاستراتيجية لوزارة الزراعة والري والثروة الحيوانية
في عدد من خطط البرامج والمشاريع تم وضعها مثل زيادة الإنتاجية وبرنامج الحبوب وبناء القدرات لإدارة الأزمات والطوارئ الخاصة بالأمن الغذائي
ولتحقيق الانتصار في الحرب دي لابد إنو #الجمعيات_التعاونية تشارك فيها، الجمعيات التعاونية هي سلاحنا الما سري في الحرب على الجوع والفقر
حنأسس 10 ألف جمعية تعاونية زراعية في 10 ألف قرية من أقصى الشمال من دال وكجبار لغاية الشقراب وحمدابيت وأبو الطيور وعيش برة وتندلتي وحيتخصص منهم ما أقل 2000 منهم في المناطق المتأثرة بالحرب، وحيتم تسليم كل جمعية جرار زراعي وأسمدة ومواد بترولية ومواد حصاد إضافة إلى مساحة 1000 فدان مطري، على أن تتكون الجمعية على الأقل من 100 عضو أو أسرة بواقع عشرة فدان للعضو قابلة للزيادة، بهدف إدخال صغار المنتجين في الزراعة الآلية وتملكهم للأراضي سعيا لتحقيق العدالة الاجتماعية ورفع مستوى معيشة المواطن وزيادة الناتج
قادر تتصور 10 ألف جمعية تعاونية مع 10 ألف جرار وأسمدة ومواد بترولية ممكن توصلنا وين شاركنا أفكارك عشان نطور المشروع و انشر برامجنا عشان تصل لأكبر عدد من السودانيات والسودانيين في الحرب دي محتاجين لكل وحدة وواحد من الشعب السوداني
#الحزب_الذي_يطرح_الحلول #قبلنا_التحدي #السودان #حكومة_الظل
انضم إلى حزب بناء السودان، الآن!
طلب العضوية
[ad_2]
Source by حزب بناء السودان
