[ad_1]
القصة بدت لما السلطات في القضارف قامت بإعتقال الصحفي محمد عثمان الرضي علي خلفية بلاغ صادر من بورتسودان قامت اسرة الصحفي بتصديق الضمانة من وكيل النيابة الذي واقف على اطلاق سراحه وعندما وصلوا للقسم الاوسط مكان الاحتجاز ناس القسم قالوا ليهم والله زولكم دا ما حانقدر نفكو ليكم ليه يا اخوانا في شنو ؟والله التكييف القانون بيقول يتم اطلاق السراح في محل البلاغ وطالما البلاغ بتاعكم مفتوح في بورتسودان معناها يترحل المتهم بورتسودان ومن هناك يتم اطلاق سراحه اها اهل الصحفي قالوا ليهم طيب مافي مشكلة رحلوه بورتسودان ونحن بنمشي هناك ناس القسم قالوا نحن ما عندنا عربية وما معنيين بترحيله عندكم خيارين
الخيار الاول الجهة الشاكية توفر عربية لنقله
الخيار التاني لو مستعجلين توفروا انتو العربية
اهل المتهم قالوا ليهم اها عربية الجهة الشاكية وينها ناس القسم ليهم لسه ما متوفرة حا تاخد زمن اسبوع اسبوعين شهر شهرين المهم الزول يكون محبوس لحدي العربية ما تجي
اها اهل الصحفي اضطروا يوفروا عربية لنقل ولدهم مع طاقم الحراسة مع الالتزام بنثريات الطاقم والمصاريف طوال الطريق
انتهت القصة….
التعليق /
يا جماعة ما تستغربوا البلد في حالة حرب كرامة الناس لازم تضحي شوية شنو يعني لو اهل المتهم وفروا عربية البلد تتعرض لمؤامرة كونية العالم كله ضدنا نحن مستهدفين في ديننا وارضنا
ودا كله بسبب القحاتة عملاء السفارات وعبيد الامارات حكموا سنتين كاملات ما قدروا يوفروا عربية للقسم لكن لسه ما فات حاجة بعد كميل يشكل الوزرات طوالي حا يوفر العربات وحا يوسع الحراسات اهم شئ المتهم في ظل حكومة التكنوقراط يكون مرتاح
نصيحة ليكم اي متهم يوفر وسيلة نقله ان شاء الله درداقة
#معركة_الندامة
Ibrahim akoud
[ad_2]
Source
