الكلام القالو الوفد الحكومي للأمريكان احسن منو الناس تمشي لحمي،دتي وعبد الرحيم عديل ويقولو ليهم عاوزين شنو مقابل تفكو حصار الفاشر وتوقفو الحرب!
♦️أولا : عرضو على الأمريكان يقطعو علاقاتهم مع الروس عشان يرضو عنهم ويكلمو الامارات توقف دعم لوجستي للمليشيا ، ولو صح الكلام دا حيكون غباء استراتيجي وحندفع تمنو قريب لأنو في الوقت الروس كانو قريبين منك ووقفوا معاك واستأنفو نشاطهم الديبلوماسي الأمريكان كانوا بيتأمروا مع المليشيا وبيسهلو ليها.
♦️ثانيا: بتكلمو عن تحويل مأساة أهل الفاشر لمجرد دليل ادانة لتصنيف المليشيا كمنظمة اراهابية ، والكلام دا عليهو كم ملاحظة:
1/- اخلاقيا فيهو عدم احترام لتضحيات أهل الفاشر.
2/- وبيعيد للأذهان التفسيرات الكانت رائجة ايام اجتياح ود مدني والكلام عن أنو دا مجرد تكتيك لتصنيف المليشيا كمنظمة اراهابية وفي النهاية مافي أي تصنيف.
3/- بورينا أنو العقل البيقود الحكومة عقل تابع وبراهن على احناك الامريكان وفي الحقيقة مافي تصنيف ممكن يؤثر على نشاط مليشيا مرضي عنها من قبل الأمريكان.
♦️ ثالثًا: الوفد بيتكلم عن تشكيل حكومة سماها حكومة الاغاثة والاعمار او حكومة تكنوقراط تحت حماية الجيش ودي غالبا حكومة على المقاس الامريكي حكومة تبعية تشرف على تطبيق سياسات الصدمة الليبرالية تحت حماية بندقية الجيش وتعمل على إعادة هيكلة وهندسة كل شيء السياسة والاقتصاد والامن بما يتماشى مع الرغبة الاستعمارية للأمريكان.
– يخس
Source
