#مهادن_الزعيم يكتب: من الصباح لقيت عشرات الفرد والاصحاب عاملين لي منشن في منشور في وكالة سونا الرسمية بتكلم عن تخريج دفعة جديدة لي مليشيا اسمها حركة شباب التغيير والعدالة … الاصحاب افتكروها مليشيا جديدة لكن للأمانة المليشيا دي اسسها خالد التالت من سنة 2010 ….
خالد التالت دا كان موظف في وزارة الثروة الحيوانية اها لمن خلى الشغل ولا طردوهو م عارف قرر يفتش باب رزق جديد وعمل المليشيا دي لكن في الوقت داك السوق م كان منتعش شديد عشان كدا قرر خالد التالت انو يندمج بيها مع منصور ارباب ومليشيته العدل والمساواة الجديدة في 2011 ….
استمر الاندماج بين الاتنين لحدي م قرر خالد التالت يستقل بي مشروعه براهو بعدما شاف مكاسب المليشيات في اتفاق جوبا ف قرر ينقل الفكرة للاماكن الموجودين فيها افراد قبيلتو عشان يكبر بيهم كومو … اها بعد انطلاق الحرب انضم لجناح حرب الكرامة وشرع طوالي في تنفيذ الفكرة بعد انتعاش سوق التمليش (بعد شعار المجد للبندقية) فتح معسكرات تدريب في سنار والقضارف وخرج عدد من الدفعات …..
خالد التالت زول عصامي طور نفسه بنفسه من موظف صغير بوزارة الثروة الحيوانية لي قائد مع منصور ارباب لي مؤسس حركة ومنح نفسه رتبة فريق (بوكو) اتخيلوا عمل دا كلو وعمره 48 سنة فقط (المليشيا دي اتولدت خارج الرحم ي جماعة) …. عجبي
الله غالب
#شبكة_رصد_السودان
Source
