أنا نبيل أديب المحامي الغواصة التي ساهمت في موت العدالة أثناء الفترة الإنتقال…

♦️ أنا نبيل أديب المحامي الغواصة التي ساهمت في موت العدالة أثناء الفترة الإنتقالية بقول ليكم :

♦️ حا نتحاور مع الكيزان ، وقادرين نهزمهم فكرياً ..

♦️ هو أصلاً الحوار ده بكون بين المختلفين لكن نحنا ما مختلفين مع الكيزان وحا نهزمهم فكرياً !!

♦️ وهزيمتنا ليهم : أي زول اتقلّد منصب دستوري في فترة حكمهم ما يتقلد منصب دستوري وتنفيذي في الفترة الإنتقالية .. لكن ممكن عادي ممكن يجيبوا لينا كوز جديد ..
♦️ يعني مشكلتنا الفكرية معاهم مشكلة مع أفراد ..
وصراعنا معاهم ماصراع مفاهيم .. بل صراع أفراد ..
ولو كانوا غيرو الأفراد أيام حكمهم ..
وأدونا فرصة مع الأفراد الجدد عاديكان شاركنا معاهم في حكمهم العائد بفضل إنتهازيتنا ..

♦️ ونحنا طبعاً ككتلة ديمقراطية قبل كده هزمناهم فكرياً في اعتصام الموز وهتفنا فكرياً ( الليلة ما بنرجع إلا البيان يرجع ) ..

♦️ والمعركة الفكرية بينا وبينهم ما معركة موقف مبدئي من الإنقلابات العسكرية … ولا معركة فساد مالي وإداري واخلاقي .. ولا مسألة تمكين وتحويل الدولة لدولة الحزب الواحد .. بل معركة مع أفراد محددين ..
♦️ طالما هم حا يدونا معاهم طريقة ويخلُّونا مع بعض زي ما هسه نحنا مع بعض في حرب كرامتهم وحماية حقهم الشخصي مافي مشكلة ..
______

♦️ غايتو يا الزول الرشحت نبيل أديب في الفترة الإنتقالية ماعافين ليك ..

#المرياع_ماينوم
#لإقتلاع
#إرادة_الحركة_الجماهيرية_هي_الحل🇸🇩✌🏻



Source