( الكيزان وعسكرهم ) مراهنين على أن الشعب السوداني ما حا يقبل بوجود صمود في ا…

◼️ ( الكيزان وعسكرهم ) مراهنين على أن الشعب السوداني ما حا يقبل بوجود صمود في السودان ..

◼️ وإنو ناس صمود ديل لما يظهروا الشعب حا يفضِّل عليهم القتلة والمجرمين والفاسدين ..

◼️ وهم بينهم وبين نفسهم عارفين الرهان ده خسران ، وماعندهم استعداد يسمعوا صوت الشعب الحقيقي فيهم ..

◼️ هم مفتكرين صوت الشعب ياهو صوت القونات والحلوات والفاقد التربوي والساقط الأخلاقي المعاهم ده .. ديل ماشين معاهم كرهين وخائفين ومخدوعين ومغيبين ..

◼️ لو متأكِّدين الشعب حا يرفض أي زول رافض للحرب ماكان قمعوا صوت السلام .. ماكان استخدموا بدل قوة الطرح العنف والسيطرة على القوة الصلبة ( الجيش والأمن والشرطة ) وكتائبهم ومليشياتهم الخاصة .

◼️ كان قبلوا بإنهم يطرحوا رؤيتهم للحرب واستمراريتها للشعب ويتركوا للآخرين فرصة يعرضوا رؤيتهم لوقف وإنهاء الحرب لذات الشعب .. ويتحمّلوا نتيجة قرار إختيار الشعب ..

◼️ البراهن على إرادة الشعب ما بواجه الرأي الآخر بالسلاح والمعتقلات والمحاكمات الجائرة و الظالمة ..

◼️ البراهن على الشعب بكون عندو القدرة يواجه الصوت الآخر في الأسواق والأندية والمناسبات العامة بالحجة والمنطق ..

◼️ البراهن على الشعب ما بيفرض رؤيتو على الآخرين بالقوة ..

◼️ البراهن على الشعب بكون عندو القدرة يسمع رأي الشعب ويحتكم لقراراته ..

◼️ نحنا جاهزين نواجهكم في أي مكان برؤيتنا أمام الشعب .

◼️ وجاهزين كمان الشعب ده يعمل فينا العاوز يعملو

⭕ هل إنتوا جاهزين ؟!!

#المرياع_ماينوم
#لإقتلاع
#إرادة_الحركة_الجماهيرية_هي_الحل🇸🇩✌🏻


Source