الوطن المرقناهو من بطن مشروع الاستعمار والعبودية البتقودو الامارات عبر مليشيات ع…

الوطن المرقناهو من بطن مشروع الاستعمار والعبودية البتقودو الامارات عبر مليشيات عيال دقلو ، ستبتلعه الشركات ولوبيهات الفساد المؤسسي.
عشان كدا احسن السودانيين يوعو وينظمو نفسهم وفقا لأجندة العيش الكريم والعدالة ويناضلو في سبيل حقهم في المشاركة في صناعة القرار السياسي والاقتصادي.
هذا او الاستعداد لوطن مستباح بواسطة الشركات الانتهازية واصحاب رأس المال الطفيلي.
السياسة ما بتقوم على تأييد اشخاص او مؤسسات او حتى بتتطور حول مقولات دينية او عرقية ، كل الخطابات الحاينة دي عبارة عن طق حنك وكلام فارغ وتغييب لوعي الناس وسواقتهم للعبودية وهم هاتفين بإسم الجنرال او القبيلة او الامير او الشيخ.
رسالتنا للشباب أنتهى زمن الهتاف ومباراة الترندات وجاء زمن العمل السياسي الواعي والمنظم العمل المرتبط بالحقوق الاقتصادية والاجتماعية السياسة المتصلة بحق ست الشاي في العمل والطفل في التعليم والمريض في العلاج والجائع في الطعام المرتبطة بمقاومة النهب المنظم لمواردنا واهدار سيادة بلدنا.
#الطريق_الى_الوطن


Source