◼️ الجيش يملك أكتر من 300 شركة تجارية وصناعية تعمل في قطاعات حيوية تشمل :
1/ التعدين . 2/ البناء . 3/ المياه . 4/ المواد الغذائية . 5/ تصنيع الأدوية 6/ المصارف والبنوك . 7/ الإتصالات . 8/ الطيران
◼️ وعوائد الشركات دي تقدّر ب 2 مليار دولار سنوياً ..!!
◼️ وفي ظل الحرب دي في شركات بتعمل في تصدير :
( الدهب – والجلود – والصمغ العربي )
وبتسيطر على نسبة كبيرة من سوق استيراد ( القمح والأدوية ) ..
◼️ الشركات دي :
_ لا بتخدم العساكر في العدة والعتاد ..
ولا بتخدم المواطنين في :
_ مواجهة الكارثة الإنسانية
_ وتفشِّي الأوبئة والأمراض
_ وإنهيار قطاع الخدمات .
ولا بتساهم في معالجة أزمة غلاء المعيشة الوصلت مرحلة غير مسبوقة .
◼️ شغاله فقط تدعم في ( القونات والحلوات ) و ( اللايفاتية ) و ( أرزقية الصحافة والإعلام ) ..
◼️ وبدل إنت كعسكري تطالب بحقك منها تجي تطلب المواطن يخليك تركب ( مجّان ) !! بحجة إنك حررت البلد ..؟!
◼️ حرّرتها من شنو وانت تصوْر في الدعامة منسحبين من سد جبل أولياء ؟
◼️ وانت نفسك العسكري الفحطت وخليت المواطن يواجه مصيرو براهو مع الدعامة ..
◼️ وبعد رجعت قلت للكتار جداً من الصامدين والراكزين في الخرطوم انتو المقعدكم شنو يا متعاونين ..
◼️ المواطن ده ( يأكل ويشرب ويلبس ويسكن ويتعالج ) والا يدعمك انت ؟
◼️ المواطن ده يدفع ( للتكايا والمطابخ وغرف الطوارئ ) والا يدعمك إنت ؟
◼️ ماكفاكم الشفشفة البتحصل في الإرتكازات ومصادرة ممتلكات الناس ؟
◼️ قبل الحرب تقولوا : نحنا بناخد أكتر من 80% من ميزانية الدولة عشان نحميكم ..
◼️ تجي الحرب تقولوا : للناس احموا نفسكم براكم ..
◼️ تفوت الحرب تقولوا : ادعمونا عشان حررناكم ..!!
◼️ البحصل منكم ده استهبال ولعب ، واستخفاف بعقول الناس ..
◼️ المواطن ده يعمل كل حاجة بمافيها يشتغل شغلكم وكمان دايرين تركبوا في المواصلات بالمجان ؟!!
◼️ هسه عليكم الله منو الحارس منو ؟
◼️ ومنو المفترض يدعم منو ؟
◼️ انتوا ما بتخجلوا ولا بتختشوا ؟
#المرياع_ماينوم
#لإقتلاع
#إرادة_الحركة_الجماهيرية_هي_الحل🇸🇩✌🏻
Source
