الخرطوم – الصحافة
⚫ الكوز الفاسد : ( وليد محمد وقيع الله ) الشهير : ( بوليد الجقر ) .
مقدمة :
♦️ كتبت في بوست سابق عن الكوز الفاسد الآخر ( رامي أبوبكر ) المتهم بجريمة قتل الشهيد ( ميرغني بهاء الدين ) وذكرت في نهاية المقال : ما ناسيك يا ( وليد الجقر ) .
♦️وليد شال البوست وعمل ليهو شير في صفحة ( السودان بعيون الثوار ) نظام أنا ذنبي شنو ؟
عاوز يوظّف عاطفة الناس لمصلحته الشخصية وما لقى أي تجاوب إلا من أصدقائه ( ناس الكورة ) .
♦️ المهم أنا جيتك يا وليد .
⚫ منو وليد الجقر :
♦️وليد محمد وقيع الله الشهير بوليد الجقر ..
ساكن الصحافة مربع 34 ، يفتح في الميناء البري .
♦️ مدرب ناشئيين ، متعاون مع المدربين في الدرجة الأولى .
♦️ البداية من نادي الأهلي الخرطوم وبعد أن هرب لمروي تعاون مع الأهلي مروي .
♦️كان عسكري ويلعب في فريق الدفاع المدني .
♦️ ثم عمل مدرب في نادي الدفاع المدني مستفيد من إنو بيملك ( بطاقة تدريب ) .
♦️ نزل من الشرطة من عام 2007 م .. اعاد الخدمة وما أعتقد انو وصل لرتبة ( عريف في الشرطة ) .
⚫ ما بين عام 2016م إلى 2019 م
♦️ كان شغال سمسار جوازات للسوريين .
♦️ بتربطو علاقة مع ضابط في الداخلية وتحديداً في الإدارة المالية اسمه ( عمر ) ، اهلو مسمنُّوا على ( عمر البشير ) لأنو ( قريبو ) .
♦️عملا مع بعض في قروب ( لتجنييس السوريين ) .
♦️ انتقل وليد الجقر من خانة زول ما عندو حاجة إلى زول عندو آلاف الدولارات .
♦️يملك 4 عربات ، ومحلين شيشة ، وعندو كاش خرافي .
⚫ وليد والإختلاسات :
♦️ عندو مشاكل إختلاسات مالية لما كان شغال في شركة ( أيري قروب ) ، مع بلاغات جنائية مدوّنة ضدو .
♦️ وإختلاسات مالية لما كان شغال في ( شركة عبر إفريقيا ) .
♦️ وإختلاسات مالية لما كان شغال في ( شركة أطلس ) .
♦️ وكل الإختلاسات دي برغم البلاغات المدوّنة ضدو قدر يطلع منها لأنو عندو ذكاء خارق في السرقة والخروج بدون محاكمة .
⚫ علاقته بالدعمم السريع من قبل الحرب :
♦️علاقته بالدعمم السريع السبب فيها خالد عجوبة .
♦️ وعندو علاقة مميزّة جداً مع ضابط الدعمم السريع المقدّم ( آدم قارح ) قائد المدينة الرياضية وآدم ده عندو صلة قرابة ونسب مع حميدتي .
⚫ علاقة وليد الجقر بخالد عجوبة :
♦️ بدأت من الثورة وأثناء تواجد خالد عجوبة في لجان مقاومة الصحافة .
♦️ العلاقة دي هي الكشفت حقيقة خالد عجوبة بالدعمم السريع لثوْار لجانة مقاومة الصحافة .
♦️ وبعد مواجهته بهذه العلاقة بدأ خالد عجوبة يهدّد بعض أفراد اللجان .
♦️ بدأ وليد الجقر يستثمر في علاقة خالد عجوبة بالدعمم السريع وتحديداً مع المقدّم آدم قارح .
♦️ ظهرت العلاقة مع ظهور بلاغ الشركة الصينية الموجود عند لجنة إزالة تفكيك نظام ال30 من يونيو .
♦️ وظهر موضوع ابتزاز اللجنة للشركة الصينية ، وكان خلف هذا الإبتزاز خالد عجوبة .
♦️خالد في التحقيق أنكر عدم وجود أي علاقة بينه وبين ابتزاز الشركة الصينية وفي الحقيقة هو سجّل اعتراف قضائي بانو استولى على أموال من الشركة .
♦️ وإنو سلّم وليد الجقر مبلغ 18 الف دولار .
♦️ وليد باعتباره نظامي تم استدعائه بواسطة شرطة الدفاع المدني وتم رميه في حراسة التحقيقات الجنائية ببحري .
♦️قعد في الحراسة لأكتر من اسبوعين ، واتحلق صلعة ، وبعد التحقيق تم تسليمه لوحدته العسكرية ، واشتغل فيهت خدمات قريب الشهر بدون ما يمشي بيتو .
♦️ مع استمرارية جلسات البلاغ وليد أودع كفالة مالية اللهي 18 الف دولار أو ما يعادلها وتم تحويل خالد عجوبة الى سجن أم درمان .
♦️ في 2021م وأثناء الجلسات في جهة قالت ليهم البلاغ ده حا يموت ، وفعلاً قام الإنقلاب والبلاغ مات .
♦️ وطلع خالد عجوبة بتسجيل فيديو من داخل الحراسة وكانوا عاوزين يفكوهو من سجن أم درمان وتم تحويله الى قسم الدرجة الأولى بالعمارات مع تسجيل فيديو بواسطة ( الإستخبارات العسكرية ) ذكر فيه : تاني ما بيطلع ثورة – وياشباب الثورة خليكم مفتحين ، وطلعنا ماعندنا قضية ، والعساكر على حق ، والمدنيين هم الضيّعوا الثورة ، وتاني ما بنقيف معاهم .
♦️ الموضوع انتهى وخالد عجوبة مرق طبيعي وبدأ يتواصل مع وليد الجقر ، وبدأ يقولوا لشباب لجان المقاومة عندنا معلومات عن اللجنة ، وبتوديها الآخرة وكلو كذب × كذب .
⚫ علاقة وليدالجقر وخالد عجوبة بلجنة التفكيك :
♦️ خالد لما كان عضو في اللجنة كان على صلة مزدوجة بين الإستخبارات العسكرية للجيش والدعمم السريع .
♦️ وعرّاب هذه العلاقة هو وليد الجقر .
♦️ وليد الجقر يجيد فنون التلوُّن ، والأدوار البتتناسب مع كل مرحلة .
♦️حاول يتقرّب من الثورة ورموزها ووجد ضالته في خالد عجوبة عبر لجان مقاومة الصحافة .
⚫ علاقة وليد الجقر وخالد عجوبة بأبشر دلدوم وكيل تاني نيابة أمن الدولة الموجود في لجنة التفكيك :
♦️ العلاقة دي السبب فيها ( جوجو المبارك ) ، وجواهر المبارك دي كانت بتتقرّب من الثوّار والشباب المؤثرين في اللجان ، بدأت خطوات التقرُّب دي من ( بري ) و ( الديم ) الى أن وصلت ( الصحافة ) عن طريق خالد عجوبة .
♦️ كانت شغالة مع عبد الغفار الشريف وجهاز الأمن القديم ، ومن ثم اشتغلت مع ( عبد الرحيم دقلو ) وأصبحت كسكرتيرة خاصة له .
♦️ خلقت علاقة بين ( خالد عجوبة ) و ( أبشر دلدوم الختيم ) .
♦️ أي كوز مسجون عند لجنة تفكيك نظام ال 30 من يونيو عاوز ضمانة ، بيجي يورّد المبلغ المالي وبكون عاوز ضامن شخصي .
♦️ وليد الجقر هو المعني بتوفير الضامن الشخصي للكيزان ، بيستغل تواجده في الميناء البري وبجيب أي زول من ( الولايات ) ويطلِّع ليهو بطاقة قومية مزيفة بعنوان مزيف جديد داخل الخرطوم مستغل علاقته بخالد عجوبة
♦️وليد الجقر من ضمن الضمانات الأنجزها للكيزان ضمانة بمبلغ ( 2 مليار جنيه ) و ضمانة بمبلغ ( 400 ألف جنيه ) عبر أبشر دلدوم الختيم وعلاقته بخالد عجوبة
⚫ موضوع الشقتين :
♦️ وليد الجقر عندو شقة في مجمع غزّة .
وكذلك خالد عجوبة شقة .
♦️ مجمّع غزة ده يوجد ( شمال المدرعات ) زمان كان جزء من المدرعات ، ناس الجيش سحبوا حيطة المدرعات لجوه ووزّعوا المكان ده شقق .
♦️وليد الجقر قال : الشقة دي لقاها رخيصه وفي الحقيقة هو اشتراها عبر سمسار والسمسار أخد عمولتو في الشقتين وأخد قصادهم مبلغ ( دولاري )
♦️ مع ظروف الحرب دي وليد الجقر باع شقتو بعد ما فلّس .
♦️ عرباتو الكان سايقها فضل فيها ( لاندكروزر ) باعو وأكل قروشو كلها في بورتسودان .
♦️ وباع ( الشقة ) واشترى بقروشها عربية ( كلك ) وهسه بياكل من باقي القروش وماعندو مصدر دخل ثابت .
⚫ علاقة وليد الجقر بالدعمم السريع :
♦️لما قامت الحرب سيطرت قوات الدعمم السريع على منطقة الصحافة .
♦️ضباط الدعمم السريع بيجوا من المدينة الرياضية ويقعدوا في مكان شيشة وليد الجقر بشكل دائم .
♦️ كانوا مسيطرين على منطقة الصحافة ومافي عسكري جيش واحد حايم في المنطقة .
♦️الحركة كانت طفيفة جداً في الشهر الأول ، في الشهر الثاني بدأت حركة الدعمم السريع تكون كثيفة وتحديداً في مناطق الميناء البري .
♦️ وليد الجقر استغل الوضع ده ونقل جزء من الشيشة بتاعتو قدام بيتو .
♦️ وبدأ يجمع حولو ( الرياضين ) و ( ضباط وجنود الدعمم السريع ) .
♦️ ظل يستضيف ( الدعامة ) لحدي ما جارو المقدّم ( عوض الكريم عبد الرحمن كرنديس ) الكان شغال في لجنة التحقيقات بلجنة التفكيك قال ليهو : ناس الإستخبارات العسكرية سألوني منك لأنك لامي الدعامة حولينك .
♦️ طوالي غادر الصحافة من غير حتى ما يودّع أسرتو
♦️ مشى ( مدني ) و من مدني الى ( بورتسودان ) وهناك تم القبض عليه والتحقيق معه بسبب علاقته مع الدعمم السريع .
⚫ وليد الجقر وإستهداف أسر الصحافة :
♦️ بعد دخول الجيش للصحافة كان وليد الجقر سبب في إستهداف أسر موجودة في الحلة وكانت رافضة لعمله الدعمم السريع .
♦️ وكان سبب أساسي في القبض عليهم ورميهم في سجون الخلية الأمنية .
♦️ من ضمن الأسر دي :
_ ( عثمان شعيرية ) و ( زوجته ) و ( اخوه ) .
_ ( أسرة طارق أبعيون ) و ( أخوه الحاج ) و ( أختهم ) و ( بنت أختهم ) .
_ مع عدد من شباب الحلة العارفين علاقة وليد الجقر بالدعمم السريع
♦️ هدّد الجيران عشان يشهدوا ضد جيرانهم ، ووجد ضالته في تهديد ( محمد اسماعيل ) واعتمدو ( كشاهد ملك ) .
♦️ كل التهم عبارة عن ( تحويل رصيد ) عبر ( بنكك ) وهنا اتهم بنت جيرانهم ( أروى السر ) بتهمة تحويل قروش لأنها كانت شغاله ( بنكك ) .
♦️مع انو القروش الموجودة في السوق كلها قروش دعامة ، والحسابات البيتم التحويل ليها حسابات دعامة .
♦️ هو لما هرب من الصحافة م 34 شارع كامل فضل موجود بسكانه .
♦️ وديل بيعرفوا المتعاون من الما متعاون وهو جاء من بره وعامل فيها عارف كل شي .
⚫ العلاقة بين وليد الجقر ورامي أبوبكر :
♦️ ما بين وليد الجقر ورامي ماكان في سابق معرفة .
♦️اتلاقا مع بعض بعد رامي بدأ ينزّل تسجيلات للمتعاونين في قروبات الصحافة .
♦️وليد الجقر بقى يوظّف رامي أبوبكر لتصفية الحسابات مع أسر وشباب الصحافة .
♦️ نسقا مع بعض لتبادل المعلومات ، ويرفعوها مع بعض للإرتكازات وللخلايا الأمنية الموجودة خارج ولاية الخرطوم في نهر النيل ( ارتكازات شندي وعطبرة )
وفي الولاية الشمالية ( الإرتكازات من الصينية الى مروي وكريمة ) .
♦️وليد الجقر استغل وجود شباب نازحين من الصحافة الى مروي ووظفهم في ارتكازات ( تنقاسي والقرير ) واستغل تواجده كنازح في منطقة جذوره ( الكرفاب ) و عمله مع ( نادي الأهلي مروي )
⚫ مصير الثنائي وليد الجقر ورامي ابوبكر :
♦️ رامي استفاد من عمله في الشفشفة ولكن بعد مقتل الشهيد ( ميرغني بهاء الدين ) في سجون الخلية الأمنية
ظلت تبحث عنه أسرة ( الشهيد ) .. ترك الصحافة و هرب الى : مصر
♦️ ووليد الجقر بعد تم القبض على أسر الصحافة كان في رد فعل من الأسر تجاهه على سبيل المثال :
_ أسرة ( طارق أبعيون ) لديها ( ضابط في المشتركة ) جاء يبحث عن وليد الجقر .
_ وأسرة ( عثمان شعيرية ) عندها أيضاً ( نظامي ) أيضاً جاء يبحث عن وليد الجقر
_ فما كان امامه خيار غير الهروب .
♦️ وليد الآن مندسي في ( الثورات ) ومؤجِّر بيت هناك وماقادر يمشي بيتهم في الصحافة .
♦️ أصبح فاقد للقيمة والوزن عكس ماكان عليه أيام دخول الجيش إلى الصحافة .
♦️ ليهو أكتر من 4 شهور هارب وماقادر يدخل الحلة
⚫ هل الصحافة الآن في مأمن بعد هروب وليد الجقر ورامي أبوبكر ؟
♦️ لا
♦️ داخل قسم الصحافة يوجد مقدّم اسمه ( أمين ) لديه علاقة قوية مع ( وليد الجقر ورامي أبوبكر ) .
♦️ يجمع حوله ( مفاصيل ) من ( الشرطة وجهاز الامن ) ساهموا في ( سرقة أكتر من 8 بيوت من بيوت الصحافة ) .
♦️ ديل عادي بيدخلوا بيتك ويشيلوا من قدام عيونك ( تلاجتك ) .. بحجة انك ماعندك ليها ( ورق وفاتورة ) معناها ما ( حقتك ) و ( سارقها ) ..
⚫ وده ملف بنجيهو لقدّااام بإذن الله .
#المرياع_ماينوم
#لإقتلاع
#إرادة_الحركة_الجماهيرية_هي_الحل🇸🇩✌🏻
Source
