حملة (زيرو عوارة)
بفتكر أخوانا في التجمع الاتحادي (جناح دقلو) يقعدوا براهم قبل فجر باكر يتفقوا فيما بينهم على الدايرنو شنو وبعد داك يجوا يكلمونا.. لأنو ما ممكن هم 4 أنفار وكل نفر فيهم شايت في إتجاه.. أول امس القريبة دي محمد الفكي (تجمع اتحادي جناح دقلو) قال نحن مستعدين نتحالف مع العساكر، وتاني يوم جاء بابكر فيصل وده برضو (تجمع اتحادي جناح دقلو) قال نحن ما مستعدين نتحالف مع العساكر.. بالله دا كلام !!!
أوعى يكون الجوز ديل اختلفوا و انقسموا، واحد بقى تجمع اتحادي جناح حميدتي، والتاني عمل التجمع الاتحادي جناح أب كيعان!!
قبل فترة كنت بفكر في إطلاق حملة وطنية تطالب بسحب الموبايلات من العجايز وذلك بعد أن انتشرت لهؤلاء الأعمام رسائل (مش حلوة) في الواتساب، لكن الآن وبعد ما صدر من شفع التجمع الاتحادي بفتكر الحملة الوطنية تتحول لإبعاد السودان عن الصبية تحت شعار: (الوطن بعيداً عن متناول يد الأطفال)!!
حسام عامر جمال الدين
Source
