الصحفي الزين عثمان يكتب: لخميس في سودان الجنون أكتر حاجة قاعدة تحصل مع الانقلاب…

[ad_1]
الصحفي الزين عثمان يكتب: لخميس
في سودان الجنون أكتر حاجة قاعدة تحصل مع الانقلابات والحروب
انه موبايل كيكل قاعد يضيع . كيكلاب موبايلات تحت التراب
وقبل ما الموبايل يضيع قال ليك
خالد سلك ضرب ليهو شان يبارك ليهو سقوط الجزيرة في يد الدعم السريع
وقال ليهو انت قائد الوسط .
حقيقي كيكل “برنس حرب العبث” لعب مع هلال حميدتي ومريخ البرهان
يا جماعة هسة “كونه” كيكل دخل الدعامة الجزيرة دي بتغالطوا فيها اتنين ؟
وكونه أب لمبة بتحمل كل ظلامات الانتهاكات في الجزيرة موضوع جدل
وانت قايل في فرق بين “ابوعاقلة” واولاد دقلو فيما يتعلق ب “الملشنة” !
وانت منتظر “كيكل” يلقي تلفونه الرائح عشان يرفع تسجيلات مباركة “خالد سلك” سقوط الجزيرة
افتح تلفونك عشان تلقي تسجيلات “كيكل” وهو مركب شريحة الدعامة وبتكلم عن اخلاق حميدتي وعن تشكيله لجنة لمكافحة الظواهر السالبة وتلقي فيديوهات كيكل وهو في نص مدني بعد ما سقط الفرقة وبقي قائد ليها ..
وانت فاتح موبايلك اسال قوقل اها الحصل شنو في لجنة التحقيق في سقوط مدني ؟
واسال الذكاء الصناعي عن امكانية تحول الجاكومي لكيكل جديد .. ؟
نهايتو
زول مصدق انه الاعيسر كان فاتح من نلفونه لايف لسونا من الامم المتحدة وما كان بيصور ..
ومصدق انه كامل ادريس ح يجيب مشاريع بمية مليار دولار من السعودية ..
عادي ح يصدق كلام كيكل او خالد بن الوليد زي ما قال النعمان ..
الخميس
السودان في ذمة الواعي 👍
#شبكة_رصد_السودان

[ad_2]

Source