⛔ مرة قلت ليهو يا ( محمد خليفة ) ، بصفتك ( مراسل حربي ناجح ) و عندك القدرة إنك تنتج رؤى وتوجهات أفضل بكتير من الموجودة عند ( صمود ) ..
ممكن تطلع وتورِّينا حلّك :
_ لمعالجة الكارثة الإنسانية
_ لحماية المدنيين ..
و تدّينا :
_ رؤية واضحة لوقف وإنهاء الحرب ..
_ ورؤية واضحة لإستعادة مسار الإنتقال الديمقراطي واستكمال مهام الثورة ..
⛔ قلت ليهو على المستوى الشخصي مافي سبب يخلِّيني ( مباري ناس ) إنت عندك ( حلول أفضل منهم ) ..
_ أنا ببحث ( عن الأفضل )
_ طالما الأفضل عندك ( أرح سوقنا ليهو ) ..
⛔ المهم : سمع كلامي .. وفحّط مني ..
⛔ قلت ليهو حرام عليك ياخ .. تكون عندك حاجات قيّمة وعظيمة ومفيدة أكتر من الآخرين وتحتفط بيها لنفسك ..
⛔ طوّرنا معاك ياخ ..
_ انقلنا ..
_ ما تخلينا قاعدين في ( المواقف الخاطئة ) ..
⛔ ولو ما قدرت تعمل كده خلِّيك في الإنت بتعرفو وتفهمو ( كمراسل حربي ) على شاكلة :
( القوات تقدمت ، القوات تأخّرت ، وقد حدث ، ولدي معلومات مؤكدة …..الخ ) ..
_ وفي دي صراحة ماك ( قزم ) شاطر في ( عرض معلومات المصادر العسكرية ) ..
⛔ وكذلك في آخرين ( ما أقزام ) عشان عندهم قدرة
على ( قراية الواقع ) مع تحديد ( المشكلات و الأزمات ) وتقديم ( الحلول ) ولما تهاجمهم بتبقى ( قزم ) لأنك عاجز عن ( تقديم الأفضل ) ..!
⛔ تنويه مهم :
لو كل واحد فينا فهم إنو هو عبارة : عن ( نقطة صغيرة ) في ( بحر نضال طويل وواسع ) بيتعلّم ( تقدير مجهودات الآخرين ) وبيستوعب زي ما هو ( ناجح في مجال ) في زول غيرو ( ناجح في مجال تاني ) وكلنا ( بنكمِّل بعض ) ..
أما حكاية أنا ( البراي بعرف كل شي ) صدقني ده ( مرض ) محتاج ( لعلاج شافي ) .
#المرياع_ماينوم
#لإقتلاع
#إرادة_الحركة_الجماهيرية_هي_الحل🇸🇩✌🏻
Source
