[ad_1]
🔥 دروشة نهارية
_ نخطّط للإرتباط ، ولما نقرّر نتزوج ، بنعمل كل حاجة في ( السر ) ووفق ( تخطيط سليم ) و ( تنسيق دقيق ) و ( ترتيب محكم ) والناس فقط بتعرف : ( لحظة إعلان الحياة الجديدة ) ..
_ ليه لما نقرّر ( ننفصل ) لأنو الحياة بيناتنا ما مشت بالشكل المطلوب وبعد تحصل ( عملية الطلاق ) ليه :
بنتجاوز ( الإحتفاظ بخصوصيتنا ) ؟
ونجي ( نكشح كل حاجة في الفضاء العام ) ؟
_ عشان شنو مثلاً ؟
_ عشان ( نفضفض ) ؟
_ نعبِّر عن ( الغبن الجوانا ) ؟
_ و( الوجع الجوانا من الخذلان ) ؟
_ طيب بنعبّر لمنو ؟
_ وعشان يساعدنا بشنو ؟
_ عشان يقول لي : إنت صاح وغيرك غلط ؟
_ واستفيد شنو من تشويه صورة طرف آخر ماعاد موجود في حدود حياتي الخاصة ؟
_ والناس العاوزها تقول ليك إنت صاح دي هي إختارت ليك خيارك ؟
_ ده خيارك وانت اللوحدك بتتحمّل نتيجتو ..
_ والبفشل معاك ما معناها فاشل مع غيرك والعكس ..
_ مشكلتنا ما بنختار بدوافع البحث عن شريك يكمّل نقصنا ويورينا زاوية شوف جديدة للحياة ويكون لينا سند وضهر وحيل وملاذ آمن ونتملي طاقة ايجابية وحماس ورغبة ودافعية متبادلة ..
_ عاوزين شريك صورة كربونية مننا ..
_ يبصم بالعشرة على ( إهتماماتنا ) و ( علاقتنا ) و ( طريقة نطرتنا الخاصة للحياة ) ..
_ ناسين أي علاقة في الدنيا دي بتجمع بين شخصين بغض النظر عن تصنيفها لازم كل واحد فيها يكون عندو دور في حدود ال 50% وال 50% الاخرى للطرف الآخر ..
العلاقة بتفشل :
_ لما نقوم بدورنا في حدود ال 50% والطرف الآخر ما يقوم بدورو ..
_ ولما نحاول نلغي الذرف الآخر ونقوم بنسبة ال 100% كاملة وبدون ترك مساحة دور ومهام للطرف الآخر ..
_ طالما إنت انجزت دورك على أكمل وجه ، وانجزت مهامك وواجباتك في حدود ال 50% بتشكي للناس ليه بعد كانت التيجة ( الإنفصال والطلاق ) ؟
_ يعني يجوا يقوم ليك بدور ( الطرف المنفصل ) والا شنو ؟
_ ماهو لو مافي خلل ( النسبة ) ماكان انفصلتوا .
____
ياناس الحرب دي المفترض تخلينا نفهم ونستوعب ( الحرب دي ماحا نقيف ) و ( لا أمن و لا أمان ولا استقرار ولا نهضة ولا تقدُّم ولا ازدهار ) الا بعد ( كل واحد فينا يكون عندو قابلية يتغيّر نحو الأفضل ) ..
#ملحوظة :
أنا منفصل من 2015م وللآن ماجاتني رغبة لمرة واحدة أقول لزول غير نفسي أنا انفصلت ليه وعشان شنو ..
ولا أعتقد في زول معني بالحصول على إجابة السؤال ده .
أنا ماعاوزك ( تكون زي ) لكن كمان برضو ما عاوزك ( تقحمني مع آخرين في حياتك الخاصة ) غصباً عني ..
#الإقتلاع
#إرادة_الحركة_الجماهيرية_هي_الحل🇸🇩✌🏻
[ad_2]
Source
