[ad_1]
دعوة للتنظيم والانضمام لحزب الشعب..
رسالة للشباب…دا وقت التنظيم الواعي القائم على الأفكار والانحيازات الوطنية والاجندة الاقتصادية والاجتماعية ، دا وقت بناء مؤسسات الحماية الاجتماعية وتطوير اساليب مقاومة مشاريع النهب الاقتصادي وتجويع السودانيين وقت تمتين المنظمات الجماهيرية والشعبية الوطنية..
الوقت دا ما مفروض تضيعوهو في مباراة قادة الملايش ونشطاء المنظمات الممولة من الغرب ولا تضيعوهو في الاستماع لخطابات العنصريين والاغبياء من سابلة الميديا ممن صنعتهم صدف ترندات الحرب والثورة ، ما مفروض تجعلوا من انفسكم مجرد سلالم يصعد عليها الجنرالات ، دعوتي ليكم بأن تلتزموا القراية والتفكير والتنظيم.
أنا عارف الكلام دا في الظروف الحالية الناس ما حتهتم بيهو كتير لكن صدقوني بعد تنتهي المسرحيات السخيفة الحالية وتذهب السكرة وتحضر الفكرة حتصحوا على كارثة اجتماعية وسياسية واقتصادية حتظلو تدفعوا في ثمنها لعشرات السنين.
عشان كدا خلونا نعصر على نفسنا ونشتغل على صناعة فعل يوازي المرحلة ويعيد للأيام دورتها تجاه الشمس والوطن.
#الطريق_الى_الوطن
[ad_2]
Source
