[ad_1]
اتذكّر أذيتك لي
في يوم تضوقه براك
وأنا ماني محتاج تار ..
الدنيا دوّاره
وكل التسوِّي في يوم
بيجيكه يا غدّار ..
تتداول الأيام
وتتعاد مشاهد الناس
وتتبدّل الأدوار ..
الساقي راح يُسقّى
كل السقاهو قبيل
بعدالة الجبّار ..
_____________
يامن سلبت سنين
من عمري جاييك زول
في مُقبل الأيام ..
يتختّه في دربك
يسلب سنين عمرك
والظلم صاح أقسام ..
انت الرميتني عيوب
مافيني بكره تضوق
صِدق الفضيحة العام ..
من بعدي مافي أمان
وكل العملتو معاي
تلقاهو لا قدام ..
________
صدقني يا مغرور
زي ما بتبيع تتباع
بي أبخس الأثمان ..
وزي ما خذلت الجاك
يوم بكره يوم تحتاج
راح تروى في الخذلان ..
و دام الظلم ظلمات
زي ما بتضر تنضر
و زي ما بتخون تتخان ..
وأعرف دعاء المظلوم
ما بينو بين الرب
ممنوع يقيف إنسان ..
_______
الشريف الحامدابي
14 سبتمبر 2025م
في المنطقة ( × )
[ad_2]
Source
