[ad_1]
كتبت وزيرة ظل الهجرة وشؤون المغتربين سارة محمد
مع الحرب المدورة دي و الأوضاع الانسانية الكارثية المترتبة عليها هل الزواج و تسهيله للمغتربين موضوع مهم عشان حزب سياسي يتبناه كواحدة من سياساته المقترحة؟
الحرب خلقت واقع جديد اضطر معاه عدد كبير جداً يطلع برة السودان ويستقر في بلاد اخرى . القدروا يطلعوا ويبدأوا حياة جديدة في بلاد جديدة او المقيمين ومستقرين من زمان برة السودان بتلاقيهم صعوبات الناس الما في محلهم يمكن ما يحسوا بيها او يشوفوها مشاكل بسيطة لا ترقى لدرجة انه سياسيين يتكلموا عنها و حزب سياسي يجيب طاريها و كمان يحاول يضع رؤية و حلول قابلة التنفيذ لرفع المعاناة عن قطاع من المغتربين و المهاجرين السودانيين ما قادرين يتمموا اجراءات الزواج. في البلد الفيها سفارة سودانية و قنصل مخول باتمام اجراءات الزواج كل البيحتاجه الواحد و الواحدة عشان يتزوجوامحتاجين بس لزواج سفر سوداني ساري و يبقوا مارقين و الف مبروك. اما المتواجدين في بلد حتى لو فيه سفارة لكن ما مخولة باتمام اجراءات الزواج فيها فبيعانوا جداً، زواجهم بيكون رهينة باتمامهم لاجراءات الزواج امام السلطات المعنية في البلد الهم عايشين فيها، في بلدان بتشترط الاقامة على الاقل لاحد الزوجين و دي ممكن تكون عقبة ، في بلدان تانية بتشترط اتمام الفحص الطبي و الموافقة معلقة على نتيجة هذا الفحص و ممكن انه الطلب يترفض.. في بلد زي مصر فيها أعداد كبيرة من السودانيين الدخلوها بعد الحرب، السفارة مخصصة يوم واحد في الاسبوع لاتمام اجراءات الزواج على يد القنصل و قد يدوك مواعيد بعيدة لو المتقدمين كتيرين و قس على ذلك.
للناس الممكن تجي تقولي انت في شنو و الناس في شنو، هي دي زاتها مشكلة السياسيين المخلين مشاكل الناس ومعايشهم ومركزين مع مفاهيم ومشاكل بتهمهم هم لكن ما بتهم عموم الناس.
#حكومةالظل24 #الحزب_الذي_يطرح_الحلول #قبلنا_التحدي #السودان
انضم إلى حزب بناء السودان، الآن!
طلب العضوية
[ad_2]
Source by حزب بناء السودان
