_ داك شنو ؟ وديلك ومنو ؟ دي الغرف الإعلامية للبلابسة ؟ _ بتعمل في شنو ؟ …

[ad_1]
_ داك شنو ؟ وديلك ومنو ؟
◼️ دي الغرف الإعلامية للبلابسة ؟
_ بتعمل في شنو ؟
◼️ بتأجِّج في نيران الحرب ..
_ ديل ياهم الكانوا في قاع المجتمع ؟
◼️أيوه ، ياهم الساقط التربوي والأخلاقي والإنساني ديل ..
_ وينبِّذوا في أولاد وبنات الناس ؟

◼️ أيوه .. أيوه
◼️ أها نعمل ليهم شنو ؟
_ نخلِّيهم ..
◼️ نخلِّيهم كيف ؟
_ نخلٌّيهم عديل ..
◼️ والسبب ؟
_ ياخ ما ممكن تنزل لمستواهم ..
◼️ طيب تنزل إنت ؟
_ لا
◼️ عندك زول بتعرفو بنزل ؟
_ لا
◼️ نخِّليهم يعني ؟
_ أيوه
◼️ والمتابعين والمراييع وآلاف الحسابات والأسماء المستعارة نخلِّيهم برضو ؟
_ أيوه
◼️ يازول انت معاهم والا معانا ؟
_ معاكم ..
◼️ ماهي مساهماتك ؟
_ مساهماتي لم ( هم يشتغلوا ) أنا بخلِّيهم براحتهم عشان ( ما أنزل لمستواهم ) ..
_ ولما ( انتوا تشتغلوا ) أقول ليكم كده ( غلط وكده عيب ) ..
◼️ طيِّب ما تقول ليهم هم كده غلط وكده عيب ؟
_ لالا ما بنزل لمستواهم ..
◼️ انت بتخاف من الشيطنة والتخوين والنبذ والإساءة والسب والتجريح ؟
_ لالا
◼️ انت متحدّث رسمي باسم جهة ؟
_ لا
◼️ طارح نفسك قامة ومفكر وفيلسوف ومن خلال طرحك ده قادر تهزم الغرف دي ؟
_ لا
◼️ عندك مكانة خطيرة خايف عليها ؟
_ أيوه
◼️ مع الحرب دي لامي فيها ؟
_ لا
◼️ السبب ؟
كلو من دُعاة الحرب ..
◼️ وديل منو ؟
_ ياهم البولّعوا في النيران ديل ؟
ونخلِّيهم ؟
_ أيوه
◼️ ليه ؟
_ ما بنزل لمستواهم ..
◼️ ومستواك وين ؟
_ ضاع مع الحرب والبلابسة والمراييع ديل
ونخلِّيهم ؟
_ لا
◼️ مفترض نواجههم بشنو ؟
_ بخطاب محترم ومؤدّب ..
◼️ طيب في زول حماك تعمل كده ؟
_ لا
◼️ طيِّب مالك ؟
_ ما بنزل لمستواهم ..
◼️ مش مفترض نعري التافهين والساقطين ديل ونكشف حقيقتهم للمراييع المعاهم ؟
_ لا
◼️ السبب ؟.
_ ما بنزل لمستواهم ..

◼️ يا بشر انت متأكد انك ( معانا ) ما ( معاهم ) ؟
_ أيوه ..
⭕ طيب حريقة ( فيك وفيهم ) ..
⭕ ونحنا حا ( ننزل ) و ( نطلع ) وكمان نضرب ( قدام ) و ( وراء ) و ( بالجنبة ) بس انت ( زح شوية ) و ( وسِّع السكة ) ..
⭕ ضربنا لافيهو ( كذب ) لا ( نفاق ) لا ( تدليس ) لا ( تلفيق ) ..
⭕ ضربنا ده لا ( بيقتل ) لا بجيب ( انتهاكات لا دمار لا خراب لا نزوح لا لجوء لا تشريد لا تجويع )
⭕ وبكون خط الدفاع الأول لحماية مرمى المتواجدين في ( معسكر السلام )
⭕ أعمل حسابك ما ( تجيك حقيقة مُرّه ) طايرة ..

◼️ مع السلامة والعفو والعافية ..

#المرياع_ماينوم
#لإقتلاع
#إرادة_الحركة_الجماهيرية_هي_الحل🇸🇩✌🏻
[ad_2]

Source