[ad_1]
أم روابة
♦️ بقى فيها سوق عديل لبيع المخدرات ..
♦️ مرتادي سوق المخدرات ده أغلبهم ( عساكر ) ..
♦️ تلقى المخدرات دي مفروشة عادي فوق التربيزة .
♦️ والعساكر مع البنقو كمان جابوا الحبوب أشكال وألوان ..
♦️ لاهنا الوضع ده بيشبه وضع مدن كتيرة داخل السودان .
◼️ المختلف في أم روابة :
♦️ قبل يومين حصلت مشكلة بين ( المشتركة ) و ( البراؤون ) راحوا ضحيتها ( اتنين عساكر ) و ( اتنين مصابين ) .. الى الآن ما معروف تابعين لياتو جهة ..
♦️ المنطقة الحصل فيها الإشتباك فيها :
_ موقف سفريات الأبيض
_ وسفريات العباسية وأبوجبيهة ..
♦️ وفيها :
_ ورش صناعية ..
_ ودكاكين اسبيرات ..
♦️ مع العلم بإنو منطقة ( بيع المخدرات ) بعيدة من منطقة ( الورش الصناعية ) و ( الدكاكين ) ..
♦️ صباح اليوم ( ناس الإستخبارات العسكرية ) و ( الشرطة العسكرية ) جابوا قرار لاصحاب الدكاكين بإنهم ما يشتغلوا حتى ( يوم الأحد الجاي ) ..
♦️ أي بتاع تاجر يلقوهو فاتح دكانو يتغرّم مبلغ ( 300 ألف جنيه ) !
♦️ الناس بالخوف والرعب من ( الغرامة ) اقتنعت تقغل دكاكينها ..
♦️ وعشان الحياة ضاغطاهم محتاجين ( لقروش ) لو جاء للتاجر زبون ، بيفتح دكانو ( بالدس ) ويجيب طلب الزبون ويقفل بسرعة .
_ عشان العساكر لو شافوه بيودوه ( الحراسة ) وبيت فيها ) وبكره برضو يدفع ( اكتر من المبلغ المحدّد ) ..
◼️ هسه تجار الإسبيرات وأصحاب الدكاكين ذنبهم شنو يدفعوا تمن الإشتباك الحصل وتمن الفوضى البتحصل في المدينة ؟!!
◼️ أي حاجة بتحصل في الحرب دي بيدفع تمنها المواطن .
#المرياع_ماينوم
#لإقتلاع
#إرادة_الحركة_الجماهيرية_هي_الحل🇸🇩✌🏻
[ad_2]
Source
