[ad_1]
⛔ بوست ختام اليوم :
◼️ أنا من طلعت من المعتقل .
◼️ وطلعت من بعد ذلك من السودان ما بقيت ( ملك نفسي ) ..
◼️ وما بكتب ( باسم نفسي ) ..
◼️ بكتب وبتكلّم باسم ( السودانيين والسودانيات ) المحرومين من حرية التعبير ) في ( الداخل ) ..
◼️ عشان كده مافيكم زول بقول لي ( الكلام ده ما بشبهك )
◼️ وما ( لايق عليك ) ..
وما عهدناك كده ..
◼️انا ذاتي ما لامي في نفسي ..
◼️ ضاعت في زحمة ( العام )
◼️ الما بشبهني ده كلام بشبه ( الناس الأنا شايل مسؤولية توصيل صوتهم ) ..
◼️ وديل ناس بطبقات إجتماعية مختلفة ، وبطرق تعبير مختلفة ) ..
◼️ فيهم اللاقيتهم في ( الثانوي و الجامعة ونحنا طلاب ) و اللاقيتهم ونحنا ( زملاء تدريس ) و اللاقيتهم في ( القهاوي ) و ( الأعراس ) و ( السمايات ) و ( البكيات ) .. فيهم ( المتدينيين ) و ( الما متدينيين ) و ( السكارى ) و ( المساطيل ) و ( الألفاظهم سمحة ) و ( الالفاظهم كعبة ) وكلنا :
متفقين في خط واحد رافض للحرب وكاره للكيزان ..
◼️أنا مطالب أعبّر عنهم كلهم ..
◼️ واقول قولهم البريحهم ويبسطهم ويفشهم في الكيزان ..
◼️ القول الما يحوّج واحد فيهم يتكلم او يكتب عشان يعرّض نفسو للخطر ..
◼️ مشغول بحجم الوجع والألم والعذاب والحصار المفروض عليهم ..
◼️ مقدّر غبنهم تجاه الكيزان .. وضعفهم وعجزهم ..
◼️ انت كزول بتعرفني مسبقاً او متابعني حديثاً شيل مني الشريف اللايق معاك ..والبشبهك ..
◼️ وخلّي ما تبقى لغيرك ..
◼️ أنا ماعدت ( زول واحد ) .
◼️ لما الحرب دي تنتهي وانا حي بعاهدكم ، بترجع الصفحة دي صفحتي ، وبرجع تاني ملك لنفسي واكتب واتكلّم باسم نفسي ..
◼️ وللوقت داك أنا شاكر ومقدِّر لكل المتواجدين في الصفحة دي ومتفاعلين مع كل شي فيها بشكل مستمر مع انو ( ما بيجمع بينا حزب ولا صلة قرابة )
◼️ والسلام عليكم ورحمة الله تعالى وبركاته .
#المرياع_ماينوم
#لإقتلاع
#إرادة_الحركة_الجماهيرية_هي_الحل🇸🇩✌🏻
[ad_2]
Source
