[ad_1]
⛔ حسام أبو الفتوح والحنين إلى ( الكوزنة )
📌 أنا في مرات كتيرة بشتغل بمبدأ ( عشان عين تكرم ألف عين ) ..
📌 وبراعي لتقديرات متعلِّقة ( بوحدة الجبهة المدنية ) ..
📌وبراعي لشخصيات موجودة في الأحزاب السياسية دي أنا بحترمها وبقدِّرها وبعزّها شديد ..
📌 وبعتبرها جزء أساسي ورئيسي في أي مجهود أنا بقوم بيهو ..
📌 وبراعي برضو للناس البقولوا ليك ( فلان داك ما تركِّز معاهو ) ..
📌 وبحاول بقدر المستطاع أوصّل رسالتي بشكل مختصر ومفيد باعتبار انو المعني بالرسالة دي قراها واستوعبها وفهمها ..
📌 خاصة لما يكون الزول ده أنا ماعندي معاهو سابق ( معرفة شخصية ) ، ولا في بينا تواصل خاص ..
📌 حتى لو عندي فيهو رأي خاص بتعامل معاهو ( كزول بيقدّم ) في محتوى أنا ما المعني بتقيمه ..
📌 طالما هو بيطرح محتواهو ده للفضاء العام فبالتالي كل المتواجدين في الفضاء العام ده شركاء في تقيمه ..
📌 وأنا بمحض إرادتي ماعاوز أقيّم مجهود زول ..عاوز أكون فقط مركّز في مجهودي .. وبحاول بقدر المستطاع ( مع كل مجهودات الآخرين ) دي أشوف ( الناقِص شنو وأكمّلو ) ..
📌 لقناعتي التامة ( بأن الطبيعة لا تومن بالفراغ ) ..
📌 ولا بحب أكرِّر المكرَّر ، وأجرِّب المجرّب ، وأعيد المُعاد ..
📌 دائماً لنفسي طالما ( المساحة العامّة ) دي ماليها زول مافي داعي أنا أجي معاهو .. انا لازم أشوف المساحة المافيها زول وأملادها ..
📌 وده اثبات ودليل كافي على : إني ما ( بدخّل نفسي في منافسة مع زول ) و ( بشوف أي مجهود عام ناجح وبصب في مصلحة معسكر السلام ) هو مجهود بمثّلني ، و ( بضع نفسي ) في ( مقارنة مع زول ) …
📌 عندي ثقة كبيرة في نفسي وفي قدراتي وفي إمكانياتي ..
📌و عارف أنا بعمل في شنو ؟ وعشان شنو ؟
📌 وبرضو فاهم إني عبارة عن ( نقطة صغيرة ) في ( بحر نضال تراكمي وحالي طويل )..
📌 فكونك انت مافاهم دوري ، أو ماعاجباك طريقتي ، ده ما معناها أنا ماشي ساي ومنتظر توجيهاتك ونصائحك ومنبهر ومندهش بطرق الآخرين ..
⛔ المهم :
◼️ صحيت الصباح مع ظروف اني من أمس ماقادر اتوفّر في الميديا بشكل مريح لقيت المدعو ( حسام أبو الفتوح ) ده كاتب فيني البوست الموجود أدناه .
◼️ استقبلت رسائل من ناس بعزّهم وإلتزمت ليهم اني ماحا أرد عليهو بشكل مباشر .
◼️ وحا أكتفي بتوصيل ( رسالتين ) يمكن بعدها يحذف البوست و ( يتفادى شرّي ) .
◼️ لكن واضح البوست للآن موجود ..
◼️ معناها هو شايفو صاح وكويس ، وبدليل بستقبل أراء الناس فيهو ..
◼️ يلا أنا كمان عاوز أقول رأي .
◼️ بزاوية شوف تقيمي الخاص لما كتبتو ..
◼️ ورأي حا يكون مختلف عن تقييم الناس لما كتبتو انطلاقاً من الآتي :
♦️ 1/ أنا ماعندي تعامل محترم ولا مؤدب ولا كويس مع ( الكوز والكوزة ) .
♦️ 2/ بتعامل مع الكيزان والكوزات ديل زي الباعوض والناموس والنِمتي والحشرات الضارة والعقارب والثعابين .
♦️ 3/ ( انت ) كزول ( ما أنا ) ولا انا ناطق رسمي باسمك لك مطلق الحرية في تعاملك مغ الكوز والكوزة ، أنا ما من حقي أجي أقول ليك انت بتعمل كده ليه ..؟
♦️ 4/ وأي زول متابع لصفحتي دي عارف تماماً أنا ما بدير معركة شخصية مع أي زول بصورة مسبقة وبذات القدر البيلمسني براهو يتحمّل ..
♦️ 5/ البيتطاول علي ، ويقل أدبو ، ويصل معاي لمرحلة الشيطنة والتخوين والنبذ والإساءة أصلي ما بقول ليهو :
_ ( لا )
_ و ( حرام عليك )
_ و ( ياخ ما ممكن )
_ و ( ليه كده ؟ )
_ و ( عيب )
و ( أنا عملت ليك شنو )
♦️ _ بجيك وأول كلمة بقولها ليك :
_ انت ده تطاول علي أنا ده ؟
_ أنا معقول هامل وساهل لدرجة يتطاول علي نوعك ده ؟
_ وصلت بيك الجرأة تطول لسانك علي ؟
♦️ وأختمها المقدمة دي طوالي ب ( يلا بعد كده أركز ونشوف البقول الروب منو ) ..
⚫ بناءً على الثوابت الفوق دي بقول ( للكوز السابق حسام ) الآتي :
📌 1/ عارفك ما بترضى ولا بتستحمل كلمة في ( إخوانك الكيزان ) و ( أخواتك الكوزات ) ..
📌 2/ عارفك بتضايق وبتتأزّم لما أنا أطوّل لساني على كوز سابق أو لازال كوز .
📌 3/ مستوعب إنك بتضايق من ( تعرية أخوانك واخواتك ) ومن ( وإزالة الأقنعة ) من وجوه ( اخوانك وأخواتك ) وبنتابك إحساس اني جاي عليك مع إني بتعامل معاك ( ككوز سابق )
📌 4/ ضيقك من تعاملي مع الكيزان دليل على إنك لسه ما يترضى فيهم لكن ( بترضى ) في ( الشريف الحامدابي ) وكمان تساهم معاهم في ( الشيطنة والتخوين ) و ( النبذ والإساءة والسب والتجريح ) .
📌5/ الوضاعة في كونك كوز من 2008 وما انضميت للصف الثوري والمدني الا في نهاية 2018 م وتطول لسانك على زول موجود في المكان ده من ( شافع ) ..
📌 6/ التفاهة في كونك ترفض التعامل الكعب مع ( الكيزان والكوزات ) وتقول نفس الكلام الكعب إنابةً عنهم للشريف الحامدابي .
📌 7/ القضية الإنت خايف عليها من الخيانة دي انت ماعندك فيها مساهمات تخليك أحرص منها علي .
📌 8/ الخيانة انت مافارقتها الا بعد المؤتمر السوداني وصل للسلطة ، وده كلو عشان تنتقل من ( سلطة الكيزان ) لسلطة ( المؤتمر السوداني ) ولما الموتمر السوداني تم الإنقلاب عليه مع بقية أحزاب الحرية والتغيير رجعت ( حليمة تاني لقديمة ) .. !!
📌9/ أنا لو عميل كان بقيت كوز معاكم زمنكم الموجودين في السلطة ،
_ كان بقيت زيك متنقّل من سلطة إلى سلطة .
_ وكان بقيت إشتغل ( محتوى ) بالقروش وبعد يجيبوا لي ( عدة الشغل كلها ) ..
_ كان بقيت أهاجم في افراد القوى المدنية ..
_ وكان بقيت أدافع عن الكيزان والكوزات ..
📌 10/ الخطاب المدني كان واقف عليك ؟
الخطاب المدني ده لما كان محاصر بذات الحصار الحالي ده ده انت ( ككوز وواحد من ادوات الحصار ) .
الخطاب المدني انتصر عليك وانت كوز ، وهسه الخطاب المدني ده بقى هامل لدرجة يدفعوا عنو ( مشاطيب الكيزان ) ؟
📌11/ المستقبل البسع الجميع القافل بيهو ( بوستيك ) ده ياهو مربط الفرس . الكيزان خاتنك نظام تعمل ليهم الوزتة التجيبهم في ( المستقبل الذي يسع الجميع ) مش كده ؟
📌 12 / لما زنقوك وطالبوك تحكي تجربتك اتكلمت عن ( حرمانك من حرية التعبير ) و ( عن انك مسلوب الخيال ) و ( عن امتلاكهم لعقليتك ) ونهائي ما جبت كلمة واحدة عن ( جرائمهم ) و عن ( فسادهم المالي والإداري والأخلاقي ) وهسه بعد خيالك اتحرّر جاي تشطح فيني بخيالك المعطوب ده ؟
📌 13/ الحرب دي من بدأت تم تواصل بيني وبين كل الناس البيقدموا محتوى داعم للقوى المدنية و للسلام ماسألت نفسك ليه ما متواصل معاك ؟
أنا بقول ليك :
عشان عندي إيمان تام الكوز عمرو ما بنضف .. وبالذات الكيزان الدخلوا للأحزاب السياسية بعد الثورة .!!
وانت واحد منهم !!
🛑 ختاماً ليك وللمعاك في التعليقات :
◼️ أنا تاني لما اوجّه أي كلام مهما كان اسلوبو وطريقتو لكوز والا كوزة مافيكم زول يجيني ناطي يقول ليك هذا يجوز وهذا لا يجوز ..
◼️ لما اوجه خطابي لزول ( معانا ) و ( مننا فينا ) ليكم مطلق الحرية في أي كلام تقولوه عني ..
◼️ أما الكيزان السابقين والحاليين ، و المرقوا من مهمة التغويص في الحرب دي واللسه قاعدين إنتوا : مافيكم زول يفتح خشمو ده معاي .
حسام أبوالفتوح لم حنينك الكيزان ده عليك .
◼️ أنا ممكن أخليك توقّف علاجك عادي وأصرف ليك علاج بديل يخليك نصيح عمرك كلو ..
◼️ وأحسن ليك تتفادى دربي .
#المرياع_ماينوم
#لإقتلاع
#إرادة_الحركة_الجماهيرية_هي_الحل🇸🇩✌🏻
[ad_2]
Source
