[ad_1]
🛑 التعرية
ثم
🛑 إزالة الإقنعة ..
ده خط واضح وصريح ودرب دغري أنا ماشي فيهو لهزيمة ( الغرف الإعلامية الساعية لاستمرارية الحرب ) .
🛑 التعرية دي : حارة شديد ( والعندو حاجة داسيها أحسن يمرقها براهو )
🛑 وإزالة الأقنعة دي : أحر منها ( والعندو علينا حاجة يمرقها )
🛑 الحاجتين ديل ياهن البخلن الأصلاً ( متضايق منك ) ( لأي سبب يعنيه )
يتابعك ( إنت ) بدل ( يتابع غرف الحرب ويشوف هو عاوز يهزمها بياتو طريقة )
🛑 في ناس عملت محاولات وفشلت .. بدل تزعل ( من ضعف إمكانياته ) زعلانة من ( طريقتي الما بتشبه طريقتهم في العرض ) ..
◼️ وأنا المفترض أكون صورة كربونية منهم وهم ذاتهم ماعندهم صورة واضحة ..
◼️ مخيّر الله
◼️ تعبانين ياخ ..
◼️ ومنتهين ..
🛑 والغريبة :
كل ما ( تعرِّي ) ليك زول أو ( تزيل قناعو ) الزول ده بتكتشف بانو بيهمهم أمرو ، ويقولوا لمتابعينهم القدر ما رفعوهم أبوا يترفعوا :
شفتوا ( الشريف اتعرّى وسقط منو القناع كيف ) ؟
🛑 والغريبة مافيهم زول من بداية الحرب جاب سيرتي في خير ( لاقالوا للبلابسة كده عيب ) لا ( قالوا ليهم كده غلط ) ..
ولابقدروا عشان بخافوا منهم ومن شيطنتهم ونبذهم ..
أو بالأصح البلابسة ذاتهم ما مركزين معاهم وماحاسين بخطورتهم .
وهم عارفين أنا ما الراجل ( البعتمد على دعمهم ) ..
حقِّي بجيبو وبجيب معاي حق البهمني أمرهم كمان وحق الوطن والمواطن .
◼️ ياناس :
الميديا دي مافيها زول قاعد في مكان زول ، ولافيها درب واحد ..
◼️ كل زول فيكم يختار محتواهو ويجضِّموا كويس .
◼️ و المحرّش ( بعدّة الشغل ) و ( المرتب ) والله ما بقاتل .
🛑 النبي فوقكم ما تحمّلوني فشلكم ..
🛑 بعد الحرب دي تنتهي ( بفضى ليكم ) إن كان في العمر بقية .
_ ( وكلو محفوظ وقاعد )
🛑 هسه قِدّامي ( عدو رئيسي ) مركّز معاهو ..
#المرياع_ماينوم
#لإقتلاع
#إرادة_الحركة_الجماهيرية_هي_الحل🇸🇩✌🏻
[ad_2]
Source
