[ad_1]
مشروع بحثي…
في سياق فهم تطور علاقات السلطة في سودان مابعد الاستعمار ، في معضلة تحليلية لازمتنا لفترة طويلة ، حالة عجز عن تطوير مصطلح لوصف حالة زئبقية من التموضعات والتحالفات العرقية والقبلية والمناطقية صناعها قادرين وببراعة على تقديم انفسهم في اشكال تنظيمية وخطابات نظرية تقدمية جدا.
السوال:
ليه دائما بنكون قادرين وبسهولة شديدة على وصف كيكل بالشكري سياسيا والموقف السياسي لأردول بانو موقف نوبة وموقف يحى صديق بانو موقف عطوي والسميح بانو موقف بيعبر عن البني هلبة وشيبة ضرار بالبجاوي وقادرين نوصف حركة العدل والمساواة بإنها تنظيم زغاوة والحركة ومؤتمر البجا حزب بجا…..الخ
ليه قادرين نقول الكلام دا بكل وضوح لكن لما نجي نتلكم عن شخصيات زي حسان الناصر ومع اننا عارفين إنو بيتحرك على المستوى السياسي والناشطي ضمن شبكة مصالح لوبي علاقات سلطة بتاع (شوايقة) لكن بنكون عاجزين عن وصف تموضعو دا بسهولة ؟!
والسبب شنو في وجهة نظركم؟!
افتكر جاء الوقت الناس تحك رأسها عشان تطور مصطلح يوصف المسألة دي مصطلح يميط اللثام عن الشكل الشبحي لعلاقات السلطة البيمكن زول غارق لإضنيهو في تحالفات قبلية وعرقية لكن في نفس الوقت قادر يبتز الناس بخطاب دولجي قومي تقدمي زائف.
[ad_2]
Source
