حركة التاريخ بالنسبة لي بتشبه وقع خطى حصان ضخم هائل القوة ، الحصان دا مربوطة فيه…

[ad_1]
حركة التاريخ بالنسبة لي بتشبه وقع خطى حصان ضخم هائل القوة ، الحصان دا مربوطة فيهو كارو كبيرة شديد نحن راكبين في الكارو دي.
الحصان دا حصان الليكتروني بتحرك بسرعة شديدة لكن بدون وجهة نهائية ومحطة محددة ، بتحرك حسب السوفت وير (البرنامج) البركبو ليهو.
اها كل الف سنة كدا بيجو ناس بركبو ليهو سوفت وير جديد والبركب السوفت وير هو البمسك رسن الحصان وبتحكم في وجهتو.
والسوفت وير دا غالبا عبارة عن اسطورة او دين او فلسفة عشان كدا قبل القرن الخمستاشر عشر كانوا الماسكين الرسن ناس من الشرق لأنهم صنعوا الاساطير وتنزلت عليهم الاديان ، لكن بعداك التحكم في الرسن انتقل لمكان تاني ، غالبا أوربا الغربية واستمر هناك لحدي سنة 1967 لحظة ظهور مابعد الحداثة فلسفة والاساس النظري لحركة التاريخ اليوم والمنطق المتحكم في كل شيء.
الخلاصة:
من يصنع الآفق الفلسفي هو البمسك برسن الحصان الهائج وبيتحكم في حركة التاريخ وبالضرورة بيعيد هندسة العالم وفقا لتصوراتو..
البحصل لينا دا ماهو الا مضاعفات لإعادة هندسة وتخطيط العالم وفقا للبرنامج الجديد
[ad_2]

Source