[ad_1]
⚫ سرالختم الكوز
♦️ أها وقفنا وين فجر اليوم ؟
♦️ وقفنا في إنو في بوست اتحذف ..
♦️ البوست ده اتحذف لتقديرات ( خاصة ) بتعنيني أنا ..
♦️ وبتعني ( تربيتي ) و تقديري ( لجبر خواطر ناس انت ساهمت في كسرها )
♦️ حذفت البوست مراعاةً لتقديرات خاصة بي ..
والتقديرات الخاصة بي دي مستحيل تخليني أختها في مقام أهمية أكبر من ( مصلحة الآخرين المظلومين في سجونكم ) .. وما لاقين من يعبّر عنهم .
♦️ لو كان المتضرّر من التقديرات دي ( إنت ) و ( لاصاحب المشكلة ) ماكان وقفت عن تناول الموضوع ده ( تحديداً ) .. لأنو هو في النهاية الآن :
_ ( ماشي على مسارين ) ..
_ ومنتظر نتيجة ( المسارين ) ..
♦️ ( ولكل حدث حديث ) ..
♦️ وفي ( كلا الحالتين ) بين المسارين ديل في كتير من ( المظلومين والضحايا ) الماعندهم ( سند ولا ضهر ) ..
♦️ وكتير من الظلم متعلّق ( بمدنيين تتعاملوا معاهم كعسكريين ) بحجّة ( متعاون ) ..
♦️ وعسكريين تتعاملوا معاهم كمدنيين وقضاياهم في المحاكم المدنية ( عادي زي المدنيين ) ..
♦️ الصفحة دي لسان حال المظلوميين والمقهوريين ..
_ وبالذات ( النساء المعتقلات ) في سجونكم ..
وماعندهن ( ضهر ولا سند ) و لا ( واسطة ولا محسوبية )
♦️ وده ملف أنا جايهو برواقة ..
♦️ أها ده اسمو ( الحق العام ) ..
_ لا ( أنا ) ولا ( إنت ) ولا ( أجاويد ) من ( حقنا نتنازل عنو ) ..
♦️ الكلام ده ربما يكون غير واضح لكتير من قارئ البوست ..
والمهم إنو واضح بالنسبة ليك وللمعاك ..
_ والناس مصيرها يوم بعد ( تزول التقديرات الخاصة ) بتلقى كلو ( شي مكشوح في العام )
♦️ كده أظن مفترض تكون عرفت أنا ( فعلاً عكليت ) ..
♦️ والمهم مافي زول قال لي معلوماتك غلط .. وكلامك ما حقيقي ..
♦️ أركز للجاي ..
#المرياع_ماينوم
#لإقتلاع
#إرادة_الحركة_الجماهيرية_هي_الحل🇸🇩✌🏻
[ad_2]
Source
