[ad_1]
عن الرقابة الشعبية
(الهيئة الشعبية لمكافحة الفساد ومراقبة الأداء الحكومي)
المبادرة دي جسم شعبي ، مستقل، كونوهو ناس عاديين شايفين إنو الفساد ماشي يبلع البلد ، وماعندنا خيار غير نقيف قدامو ونقاومو مقاومة جادة ومنظمة.
♦️الهدف شنو؟
الهدف من الهيئة هو خلق تضامن شعبي وتنظيم وتنسيق جهود الناس عشان يقدرو يقيفو ضد الفساد والفوضى ويدافعو عن حقهم في الحياة ويحمو الموارد الوطنية المستهدفة بمشاريع النهب الاقليمي والدولي.
♦️ حنعمل شنو؟
حنراقب أي سمسار ونوثق أي جريمة وسلوك فاسد ، ونقاضي أي مجرم عبر القضاء السوداني ولو ماقدرنا حنفضحو ، دا كلو عشان نحمي بلدنا وحقنا في مؤسسات نظيفة، وخدمة عامة محترمة.
♦️عضوية المبادرة:
مفتوحة لكل زول قلبو على البلد ، خصوصاً ضحايا الفساد المؤسسي والمحسوبية، الرشاوي، والتلاعب في المال العام.
♦️بنشتغل كيف؟
بنشتغل بروح جماعية، وبنؤمن إنو المواطن الواعي هو خط الدفاع الأول ضد الفساد.
ما بنشتغل من المكاتب ولا حناخد تمويل من منظمة اجنبية حنشتغل مع الناس ، من الشارع، من الحلة، من المواصلات من المساجد من واقع السودانيين الاغبش.
♦️ غايتنا :
نراقب الأداء الحكومي، نكشف التقصير، وننشر الوعي وسط الناس ، ونقاوم مخططات النهب الاقليمي والدولي المستهدف مواردنا وعشان نرجّع الثقة في المؤسسات، ونفتح باب للمحاسبة الشعبية.
♦️قيمنا :
– العدالة
– الشفافية
– المساءلة
♦️ دعوة للإنضمام:
لو شايف إنو البلد القيم دي بتستحق الحراك المنظم ، تعال شاركنا.
لو عندك قصة، تجربة ، مهارة ، أو حتى فكرة، نحن فاتحين الباب ليك.
الهيئة دي ما حقت ناس معينين، دي حقت كل زول قلبو على السودان الوطن والناس.
🟪 للإنضمام للهيئة راسلنا عبر الايميل أدناه:
Pacasudan@gmail.com
[ad_2]
Source
